টেষ্ট ৰেংকিঙৰ শীৰ্ষত স্মিথ, কামিনছ

অষ্ট্ৰেলিয়াৰ বেটছমেন ষ্টিভ স্মিথ আৰু বেগী বলাৰ পেট কামিনছে আইচিচি টেষ্ট ৰেংকিঙৰ শীৰ্ষ স্থান অক্ষুণ্ণ ৰাখিবলৈ সক্ষম হৈছে ৷

স্পৰ্টছ ডেস্ক, 16 ছেপ্তেম্বৰ : অষ্ট্ৰেলিয়াৰ বেটছমেন ষ্টিভ স্মিথ আৰু বেগী বলাৰ পেট কামিনছে আইচিচি টেষ্ট ৰেংকিঙৰ শীৰ্ষ স্থান অক্ষুণ্ণ ৰাখিবলৈ সক্ষম হৈছে ৷ পঞ্চম তথা অন্তিম এছেজ টেষ্টত 80 আৰু 23 ৰান সংগ্ৰহ কৰা স্মিথে বিৰাট কোহলীতকৈ 34 পইন্ট অধিক সংগ্ৰহেৰে বেটছমেনৰ তালিকাত শীৰ্ষ স্থান দখল কৰিছে ৷

আনহাতে, কামিনছেও এছেজত সৰ্বাধিক 29 টাকৈ উইকেট দখল কৰাৰ অভিলেখ গঢ়াৰ লগতে কাগিছো ৰাবাডাতকৈ 57 পইন্ট অধিক সংগ্ৰহেৰে টেষ্ট ৰেংকিঙৰ বলাৰৰ শীৰ্ষ স্থান দখল কৰিবলৈ সক্ষম হৈছে ৷

ইয়াৰ উপৰি অষ্ট্ৰেলিয়াৰ মেথিউ ৱেডে বেটছমেনৰ তালিকাত 78 সংখ্যক স্থান লাভ কৰাৰ লগতে বলাৰৰ তালিকাত 54 সংখ্যক স্থান লাভ কৰিছে মিটছেল মাৰ্শ্বে ৷