ৰাহানেৰ সংগ্ৰামী 81ৰে সন্মানজনক স্থিতিত ভাৰত
ৱেষ্ট ইণ্ডিজৰ বিৰুদ্ধে প্ৰথম টেষ্টত ভাৰতে এতিয়ালৈকে 6 উইকেটৰ বিনিময়ত 203 ৰান সংগ্ৰহ কৰিছে ৷ 3 গৰাকীকৈ বেটছমেনক হেৰুৱাই বিপদত পৰা টীম ইণ্ডিয়াক উদ্ধাৰ কৰিলে আজিংকা ৰাহানেই ৷
স্পৰ্টছ ডেক্স, 23আগষ্টঃ ৱেষ্ট ইণ্ডিজৰ এন্টিগুৱাৰ ছাৰ ভিভিয়ান ৰিচাৰ্ড ষ্টেডিয়ামত অনুষ্ঠিত প্ৰথমখন টেষ্টত প্ৰথম ইনিংছত সন্মানজনক স্থিতিত উপনীত হৈছে ভাৰত ৷ মাত্ৰ 25 ৰানতে টপ অৰ্ডাৰৰ 3 গৰাকীকৈ বেটছমেনক হেৰুৱাই বিপদত পৰা টীম ইণ্ডিয়াৰ আজিংকা ৰাহানেই সংগ্ৰামী অৰ্ধশতকেৰে প্ৰাৰম্ভিক বিপৰ্যয় প্ৰতিৰোধ কৰে ৷ নৱাগত হানুমা বিহাৰীয়েও 23 ৰাণৰ বৰঙণি যোগায় ৷ ইয়াৰ বিপৰীতে মায়াংক আগৰৱালা(5),চেটেশ্বৰ পুজাৰা(2),অধিনায়ক বিৰাট কোহলি(9) সম্পূৰ্ণ ব্যৰ্থ হয় ৷ ৱেষ্ট ইণ্ডিজৰ হৈ পেচাৰ কেমাৰ ৰ’চে 34 ৰানৰ বিনিময়ত 3টা উইকেট দখল কৰিবলৈ সক্ষম হয় ৷ ভাৰতে এতিয়ালৈকে 6 উইকেটৰ বিনিময়ত 203 ৰান সংগ্ৰহ কৰিছে ৷ দিনান্তত ভাৰতৰ হৈ ঋষভ পন্ট আৰু ৰবীন্দ্ৰ জাদেজাই ক্ৰমান্বয়ে 20 আৰু 3 ৰানত বেটিং কৰি আছে ৷
উল্লেখযোগ্য যে,আইচিচিয়ে নতুনকৈ আৰম্ভ কৰা ৱৰ্ল্ড টেষ্ট চেম্পিয়নশ্বিপৰ ভাৰতে খেলা এইখন প্ৰথম টেষ্ট ৷