ধোনীৰ সন্ন্যাসৰ পাচতেই ৰাজনৈতিক নেতা সকলৰ শুভেচ্ছা বাৰ্তা

অপেক্ষাৰ অন্ত পেলাই অৱশেষত শনিবাৰে আন্তঃৰাষ্ট্ৰীয় ক্ৰিকেটৰ পৰা বিদায় ল'লে ভাৰতীয় ক্ৰিকেটৰ অন্যতম সফলতম অধিনায়ক মহেন্দ্ৰ সিং ধোনীয়ে ৷ ধোনীৰ অৱসৰ ঘোষণাৰ পাচতেই ক্ৰিকেটাৰগৰাকীক শুভেচ্ছা জ্ঞাপন বহু ৰাজনৈতিক নেতাৰ ৷

স্পৰ্টছ ডেস্ক, 16 আগষ্ট : শনিবাৰে আন্তঃৰাষ্ট্ৰীয় ক্ৰিকেটৰ পৰা অৱসৰ ঘোষণা কৰে ভাৰতীয় ক্ৰিকেট দলৰ প্ৰাক্তন অধিনায়ক মহেন্দ্ৰ সিং ধোনীয়ে ৷ ইয়াৰ লগে-লগে বহু অনুৰাগীয়ে ক্ৰিকেটাৰ গৰাকীক দিয়ে শুভেচ্ছা বাণী ৷ পিচ পৰি নৰ'ল ৰাজনৈতিক নেতা সকলো ৷

ভাৰতৰ গৃহমন্ত্ৰী অমিত শ্বাহে ধোনীৰ অৱসৰ গ্ৰহণৰ পাচতেই টুইট যোগে খেলুৱৈগৰাকীক দিয়ে শুভেচ্ছা ৷ শ্বাহে কয়, মই মিলিয়ন ক্ৰিকেট অনুৰাগীৰ সৈতে মিলিত হৈ ভাৰতীয় ক্ৰিকেটক দিয়া অনবদ্য অৱদানৰ বাবে ধোনীক ধন্যবাদ জ্ঞাপন কৰিছো ৷ তেওঁৰ শিতল স্বভাৱে বহু উষ্ম ক্ষণকো ভাৰতৰ পক্ষলৈ নিবলৈ সক্ষম হৈছে ৷ ধোনীৰ নেতত্বতেই ভাৰতে দুবাৰকৈ দুটা পৃথক ফৰ্মেটত বিশ্ব চেম্পিয়নৰ খিতাপ দখল কৰিবলৈ সক্ষম হৈছিল ৷

আনহাতে মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানেও ধোনীক টুইট যোগে সৰু চহৰ কোটি-কোটি যুৱপ্ৰজন্মৰ বাবে সাহসৰ প্ৰতীক বুলি উল্লেখ কৰে ৷

দিল্লীৰ মুখ্যমন্ত্ৰী অৰবিন্দ কেজৰিৱালেও ধোনীয়ে ভাৰতবাসীক গৌৰৱ কৰাৰ অশেষ সুযোগ প্ৰদান কৰিছে বুলি কয় ৷

ইপিনে ৰাজ্যসভাৰ সাংসদ আৰু বিজেপিৰ নেতা জ্যোতিৰাদিত্য সিন্ধিয়া এজন ক্ৰিকেট উৎসাহী আৰু মধ্য প্ৰদেশ ক্ৰিকেট এশ্ব’চিয়েছনৰ প্ৰাক্তন চেয়াৰমেনগৰাকীয়ে নিজকে ধোনী অনুৰাগী বুলি উল্লেখ কৰে ৷

প্ৰাক্তন বিচিচিআই সভাপতি শ্বৰদ পৱাৰে কয়, ক্ৰিকেট খেলাৰ সৈতে মোৰ দীৰ্ঘদিনৰ সম্পৰ্ক আছিল আৰু ধোনীক অধিনায়ক হিচাপে নিয়োগ কৰাৰ ক্ষেত্ৰত আমি নিশ্চিত আছিলো তেওঁ ভাৰতৰ এজন সফলতম অধিনায়ক হিচাপে পৰিগণিত হ’ব ৷

মহাৰাষ্ট্ৰৰ উপ মুখ্যমন্ত্ৰী অজিত পাৱাৰেও ধোনীক শুভেচ্ছা জ্ঞাপন কৰে ৷

কংগ্ৰেছৰ নেতা শশী থাৰুৰে ধোনীক ভাৰতৰ আইটাইতকৈ উত্তম উইকেটকীপাৰ বেটছমেন আৰু এগৰাকী ৰূপান্তৰকামী অধিনায়ক যিয়ে ভাৰতীয় ক্ৰিকেটত মোহৰ মাৰি এটা যুগৰ সূচনা কৰিবলৈ সক্ষম হৈছে ৷

লগতে চাওক-বিদায় বেলাত ধোনীৰ প্ৰশংসাত পঞ্চমুখ হ'ল ৰোহিত, গাংগুলী