স্পৰ্টছ ডেস্ক, 2 ফেব্ৰুৱাৰী : ভাৰতৰ হাতত হোৱাইট ৱাশ্বৰ সন্মুখীন হ'ল শক্তিশালী নিউজিলেণ্ড দল ৷ দেওবাৰে অনুষ্ঠিত মেচত নিউজিলেণ্ডক 7 ৰাণত পৰাস্ত কৰি শৃংখলা 5-0 ব্যৱধানত দখল কৰে ভাৰতীয় দলে ৷ ভাৰতে বান্ধি দিয়া 164 ৰাণৰ লক্ষ্য অনুসৰণ কৰি নিউজিলেণ্ডে 9 টা উইকেট হেৰুৱাই 156 ৰাণ সংগ্ৰহ কৰে ৷
বে' অভেলত অনুষ্ঠিত মেচত ভাৰতে টছত জয়ী হৈ প্ৰথমে বেটিং কৰি 3 উইকেট হেৰুৱাই 163 ৰাণ সংগ্ৰহ কৰিবলৈ সক্ষম হয় ৷ ভাৰতৰ হৈ অ'পেনাৰ ৰোহিত শৰ্মাই 41 টা বলত 60 ৰাণ সংগ্ৰহ কৰে ৷ তেওঁৰ উপৰি কে. এল. ৰাহুলে 33 বলত 45 আৰু শ্ৰেয়াস আয়াৰে 31 বলত 33 ৰাণ সংগ্ৰহ কৰিবলৈ সক্ষম হয় ৷ নিউজিলেণ্ডৰ হৈ স্কট কুগেলেইজিনে সৰ্বাধিত 2 টা উইকেট দখল কৰে ৷