স্পৰ্টছ ডেস্ক, 10 জুনঃ বেষ্ট ইণ্ডিজ ক্ৰিকেট দলৰ টি-২০ বিশ্বকাপ বিজয়ী অধিনায়ক ডেৰেণ ছেমীৰ সমৰ্থনত এইবাৰ বিধ্বংসী বেটছমেন ক্ৰীছ গেইল । ছেমীৰ সৰ্মথনত গেইলে কয়, সঠিক কাৰণত বিৰোধীতা কৰিবলৈ কেতিয়াও পলম নকৰিব ।
শেহতীয়াকৈ ডেৰেণ ছেমীয়ে আইপিএলত তেওঁৰ সৈতে বৰ্ণ বৈষম্য হোৱা বুলি এক বিস্ফোৰক অভিযোগ উত্থাপন কৰি ক্ৰিকেটজগতত আলোড়নৰ সৃষ্টি কৰিছিল । 2014ৰ আইপিএল সংস্কৰণত ছানৰাইজাৰ্ছ হায়দৰাবাদৰ সৈতে খেলি থকাৰ সময়ত সতীৰ্থ খেলুৱৈয়ে তেওঁ কালু নামেৰে অভিহিত কৰিছিল বুলি এক ভিডিঅ' যোগে এই অভিযোগ উত্থাপন কৰিছিল খেলুৱৈগৰাকীয়ে। তেওঁৰ ওপৰি শ্ৰীলংকাৰ ক্ৰিকেটাৰ থিছেৰা পেৰেৰাকো মাতিছিল বুলি কৈছিল কেৰেবিয়ান খেলুৱৈগৰাকীয়ে। ইয়াৰ পাচতেই ক্ৰিকেট মহলত ব্য়াপক চৰ্চা লাভ কৰিছিল বিষয়টোৱে ।