ভাৰতৰ টেষ্ট পিট্ছ ‘‘আমনিদায়ক’’: মাইকেল ভন

ভাৰতৰ পিট্ছক লৈ বিতৰ্কিত টুইট ইংলেণ্ডৰ প্ৰাক্তন অধিনায়ক মাইকেল ভনৰ ৷ দক্ষিণ আফ্ৰিকাৰ বিৰুদ্ধে পুণেত অনুষ্ঠিত হৈ থকা মেচৰ মাজতেই টুইট মাইকেল ভনৰ ৷

স্পৰ্টছ ডেস্ক, 11 অক্টোবৰঃ বিতৰ্কিত টুইট ইংলেণ্ডৰ প্ৰাক্তন অধিনায়ক মাইকেল ভনৰ ৷ ভাৰতৰ পিট্ছক লৈ এক বিবাদমূলক মন্তব্য কৰে ইংলেণ্ডৰ প্ৰাক্তন অধিনায়কগৰাকীয়ে ৷ দক্ষিণ আফ্ৰিকাৰ বিৰুদ্ধে পুণেত অনুষ্ঠিত হৈ থকা মেচৰ মাজতেই টুইটাৰত টুইট মাইকেল ভনৰ-

‘‘ভাৰতৰ টেষ্ট পিট্ছ সমূহ হৈছে আমনিদায়ক ৷ টেষ্ট মেচৰ প্ৰথম 3/4 দিন বেটিঙৰ বাবে উপযোগী ৷ বলাৰক অধিক কাৰ্যকৰী কৰাৰ প্ৰয়োজন আছে ৷ এইটো হৈছে মোৰ আজি দিনটোৰ চিন্তা ৷’’

মাইকেল ভনে 1999 চনৰ পৰা 2008 চনলৈ নিজৰ আন্তঃৰাষ্ট্ৰীয় ক্ৰিকেট কেৰিয়াৰত মুঠ 82 খন টেষ্ট আৰু 86 খন এদিনীয়াত প্ৰতিনিধিত্ব কৰিছে ইংলেণ্ড ক্ৰিকেট দলটোক ৷

উল্লেখ্য যে, পুণে টেষ্টৰ প্ৰথম ইনিংছত ভাৰতে 3 উইকেটৰ বিনিময়ত 601 ৰান কৰি প্ৰথম ইনিংছ ঘোষণা কৰাৰ বিপৰীতে দক্ষিণ আফ্ৰিকাই দ্বিতীয় দিনৰ খেলৰ অন্তত 3 উইকেট হেৰুৱাই সংগ্ৰহ কৰিছে 36 ৰান ৷ ভাৰতৰ হৈ বিৰাট কোহলিয়ে দ্বি-শতক অৰ্জন কৰাৰ বিপৰীতে ময়ংক আগৰৱালে শতকীয় ইনিংছ খেলিবলৈ সক্ষম হৈছিল ৷