আজি অন্তিমখন আন্তঃৰাষ্ট্ৰীয় এদিনীয়া ক্ৰিকেটত অৱতীৰ্ণ হ’ব মালিংগা

বাংলাদেশৰ বিৰুদ্ধে অন্তিমখন আন্তঃৰাষ্ট্ৰীয় এদিনীয়া মেচত আজি অৱতীৰ্ণ হৈছে শ্ৰীলংকাৰ অভিজ্ঞ বলাৰ লাছিথ মালিংগা ৷

স্পৰ্টছ ডেস্ক, 26 জুলাইঃ আন্তঃৰাষ্ট্ৰীয় এদিনীয়া ক্ৰিকেটক আজি চিৰদিনলৈ বিদায় দিব শ্ৰীলংকাৰ ক্ৰিকেটাৰ লাছিথ মালিংগাই ৷ বাংলাদেশৰ বিৰুদ্ধে অনুষ্ঠিত হোৱা প্ৰথমখন এদিনীয়াৰ পাচতেই আন্তঃৰাষ্ট্ৰীয় এদিনীয়া ক্ৰিকেটক বিদায় দিব মালিংগাই ৷ অৱশ্যে আন্তঃৰাষ্ট্ৰীয় টি-20 ৰ বাবে উপলব্ধ থাকিব খেলুৱৈগৰাকী ৷ লাছিথ মালিংগাই বৰ্তমান লৈকে এদিনীয়া ক্ৰিকেটত 225 খন মেচত 335 টা উইকেট ল’বলৈ সক্ষম হৈছে ৷

এতিয়া মালিংগাই 3 টা উইকেট দখল কৰিলেই ভংগ কৰিবলৈ সক্ষম হ’ব অনিল কুম্বলেৰ অভিলেখ ৷ আন্তঃৰাষ্ট্ৰীয় এদিনীয়া ক্ৰিকেটত ভাৰতৰ প্ৰাক্তন খেলুৱৈ অনিল কুম্বলেৰ নামত আছে মুঠ 337 টা উইকেট ৷