ব্ৰেডন মেক্কুলামৰ সমালোচনাৰ পাচত কেন উলিয়ামচনৰ প্ৰতিক্ৰিয়া

কেন উলিয়ামচনৰ অধিনায়কৰ দায়িত্বক লৈ ব্ৰেডন মেক্কুলামৰ মন্তব্যৰ পাচতেই কেন উলিয়ামচনৰ প্ৰতিক্ৰিয়া প্ৰকাশ ৷ দলৰ বাবে সকলো কৰিবলৈ সাঁজু ৷

স্পৰ্টছ ডেস্ক, 23 জানুৱাৰীঃ শুকুৰবাৰৰ পৰা ভাৰতৰ বিৰুদ্ধে পাঁচখন টি-20 শৃংখলাৰ প্ৰথমখন মেচত মুখামুখি হ’ব নিউজিলেণ্ড ৷ কিন্তু ইয়াৰ পূৰ্বেই অষ্ট্ৰেলিয়াৰ বিৰুদ্ধে পৰাজয়ৰ পিচতেই অধিনায়কৰ দায়িত্বক লৈ মেক্কুলামৰ সমালোচনাৰ ওপৰত প্ৰতিক্ৰিয়া প্ৰকাশ কৰে নিউজিলেণ্ডৰ বৰ্তমানৰ অধিনায়ক কেন উলিয়ামচনে ৷

নিউজিলেণ্ডৰ অধিনায়ক কেন উলিয়ামচন

অষ্ট্ৰেলিয়াৰ বিৰুদ্ধে ঘৰুৱা ভূমিতেই বক্সিং ডে টেষ্টত 3-0 ব্যৱধানত শোচনীয় পৰাজয়ৰ পাচতেই অধিনায়কৰ দায়িত্বক লৈ সমালোচনাৰ সন্মুখীন হ’বলগীয়া হৈছে উলিয়ামচন ৷ নিউজিলেণ্ডৰ প্ৰাক্তন খেলুৱৈ মেক্কুলামে কয়, উলিয়ামচনৰ অধিনায়কৰ ভূমিকাত বৰ্তমান মই সেই আনন্দ লাভ কৰিব পৰা নাই, যাৰ বাবে অন্তত টি-20ৰ অধিনায়কৰ দায়িত্বৰ পৰা অব্যাহতি লওক তেওঁ ৷

অষ্ট্ৰেলিয়াৰ হাতত 3-0 ব্যৱধানত পৰাস্ত কিবি বাহিনী

ইয়াৰ পাচতেই কেন উলিয়ামচনে এই সন্দৰ্ভত প্ৰতিক্ৰিয়া প্ৰকাশ কৰি কয়, দলক সঠিক দিশত লৈ যাবলৈ মই সকলো কাম কৰিবলৈ প্ৰস্তুত ৷ এইয়া কোন ব্যক্তিগত কথা নহয়, এইয়া দলৰ কথা ৷

ভাৰত বনাম নিউজিলেণ্ড শৃংখলা

ভাৰতৰ বিৰুদ্ধে দলটোৱে 5 খন টি-20, 3 খন এদিনীয়া, 2 খন টেষ্ট মেচত অৱতীৰ্ণ হ’ব ঘৰুৱা দলটো ৷ উল্লেখ্য যে, ভাৰতৰ বিৰুদ্ধে বিগত বৰ্ষত 2-1 ব্যৱধানত টি-20 শৃংখলা জয় লাভ কৰিবলৈ সক্ষম হৈছিল নিউজিলেণ্ড দলটোৱে ৷

• লগতে চাওক- নিউজিলেণ্ডত প্ৰতিশোধৰ মনোভাৱেৰে নহয় জয়ৰ লক্ষ্যৰে হে নামিব ভাৰতঃ বিৰাট