BPLত দেখা পোৱা যাব জেপী ডুমিনীক

আন্তঃৰাষ্ট্ৰীয় এদিনীয়া ক্ৰিকেটৰ পৰা বিদায় ল’লেও বাংলাদেশ প্ৰিমিয়াৰ লীগত দেখা পোৱা যাব দক্ষিণ আফ্ৰিকাৰ অলৰাউণ্ডাৰ জেপী ডুমিনীক ৷ ৰাজশ্বাহী কিংছ দলৰ হৈ খেলপথাৰত নামিব ডুমিনী ৷

স্পৰ্টছ ডেস্ক, 21 জুলাইঃ জেপি ডুমিনীৰ অনুৰাগীৰ বাবে সুঃখবৰ ৷ বিশ্বকাপৰ অন্তত আন্তঃৰাষ্ট্ৰীয় এদিনীয়া ক্ৰিকেটক বিদায় দিয়া খেলুৱৈগৰাকীয়ে এতিয়া চুক্তিৱদ্ধ হৈছে বাংলাদেশ প্ৰিমিয়াৰ লীগৰ ৰাজশ্বাহী কিংছ দলৰ সৈতে ৷ পোন প্ৰথমবাৰৰ বাবে বাংলাদেশ প্ৰিমিয়াৰ লীগৰ অংশ ল’ব ডুমিনীয়ে ৷ উল্লেখ্য যে, ঘৰুৱা ক্ৰিকেটৰ পৰাও বিদায় লোৱা ডুমিনীয়ে এতিয়াও দক্ষিণ আফ্ৰিকাৰ ৰাষ্ট্ৰীয় দলৰ হৈ টি-20 ক্ৰিকেটত নিজৰ অৱদান আগবঢ়াই যাব ৷