স্পৰ্টছ ডেস্ক, 7 আগষ্ট : 13 সংখ্যক আইপিএলৰ আৰম্ভণিলৈ অধীৰ আগ্ৰহেৰে বাট চাইছে ভাৰতীয় বেগী বলাৰ জছপ্ৰীত বুমৰাহে ৷ চ'ছিয়েল মিডিয়াৰ জৰিয়তে এই কথা প্ৰকাশ কৰে তেওঁ ৷ উল্লেখ্য যে, 19 ছেপ্টেম্বৰৰ পৰা 10 নৱেম্বৰলৈ বিচিচিআইয়ে তিনিটাকৈ স্থান- ডুবাই, আবু ধাবি আৰু শ্বাৰজাহত আয়োজন কৰিব আইপিএল ৷ কৰ'ণা ভাইৰাছ মহামাৰীৰ বাবে মাৰ্চ মাহতে অনুষ্ঠিত হ'বলগা ইভেন্টখন স্থগিত ৰখা হৈছিল ৷
মুম্বাই ইণ্ডিয়ানছৰ জাৰ্ছীত উইকেট দখল কৰা তেওঁৰ এখন ফ'টোৰ সৈতে বুমৰাহে লিখে, "সময় আহিল ৷" উল্লেখ্য যে, যোৱা বছৰৰ ছিজনত মু্ম্বাইৰ জয়ত বুমৰাহে গুৰুত্বপূৰ্ণ ভূমিকা গ্ৰহণ কৰিছিল ৷