স্পৰ্টছ ডেস্ক,7 মেঃ চলিত আই পি এলৰ প্ৰথমখন প্লে' অফত আজি মুখামুখি হ'ব চেন্নাই চুপাৰ কিংছ বনাম মুম্বাই ইণ্ডিয়ানছ ৷ চেন্নাইৰ এম এ চিদাম্বৰম ষ্টেডিয়ামত সন্ধিয়া 7.30 বজাৰ পৰা আৰম্ভ হ'ব খেল খন ৷
খেলখনত জয়লাভ কৰা মানেই পোনে পোনে ফাইনেলত প্ৰৱেশ কৰিব বিজয়ী দলটোৱে ৷ অন্যথা দ্বিতীয় কোৱালিফায়াৰত ছানৰাইজাৰ্ছ হায়দৰাবাদ অথবা দিল্লী কেপিটেলছৰ মুখামুখি হব লাগিব পৰাস্ত হোৱা দলটোৱে ৷ সেয়েহে,পোনে পোনে ফাইনেলৰ পথ প্ৰশস্ত কৰাৰ লক্ষ্যৰে মৰণপণ যুঁজত অৱতীৰ্ণ হ'ব দুয়োটা দল ৷
আই পি এলৰ ইতিহাসত অধিক সাফল্য লাভ কৰা শক্তিশালী দল দুটাই হৈছে চেন্নাই আৰু মুম্বাই৷ অভিজ্ঞ এম এছ ধোনীৰ নেতৃত্ব দিয়া চেন্নাই চুপাৰ কিংছ দলৰ প্ৰধান শক্তি হৈছে ডু প্লেছিছ,শ্বেন ৱাটছন,সুৰেশ ৰাইনা,ডুৱাইন ব্ৰেভ আৰু ইমৰাণ তাহিৰ ৷ আনহাতে,ৰোহিত শৰ্মাৰ নেতৃত্বাধীন মুম্বাই ইণ্ডিয়ানছ দলত আছে ডি কক,পলাৰ্ড,হাৰ্দিক পাণ্ডিয়া,মালিংগাৰ দৰে তাৰকা খেলুৱৈ ৷