স্প’ৰ্টছ ডেস্ক,5 নৱেম্বৰ :আজি 32 বছৰ বয়সত ভৰি দিলে ভাৰতীয় ক্ৰিকেট দলৰ অধিনায়ক বিৰাট কোহলীয়ে ৷ 1988 চনৰ আজিৰ দিনটোতেই দিল্লীত জন্মগ্ৰহণ কৰা বিৰাট কোহলীয়ে বিশ্বৰ আক্ৰমণাত্মক বেটছমেনসকলৰ তালিকাত নিজৰ স্থান দখল কৰিবলৈ সক্ষম হয় ৷ টেষ্ট,এদিনীয়া শৃংখলা আৰু টি-20 তিনিওটা ফৰ্মতে তেওঁৰ অৱদান উল্লেখনীয় ৷
তিনিওটা ফৰ্মতেই বিৰাটে ভাল ৰেকৰ্ড গঢ়িবলৈ সক্ষম হৈছে ৷ বৰ্তমানলৈ কোহলীয়ে 86 খন টেষ্ট মেচত 53.62 ষ্ট্ৰাইক ৰেটেৰে 7,240 ৰাণ সংগ্ৰহ কৰে ৷ ইয়াৰোপৰি 248 খন এদিনীয়া শৃংখলাত 59.33 ষ্ট্ৰাইক ৰেটৰ জৰিয়তে 11,867 ৰাণ আৰু 82 খন টি-20ত 50.80 ষ্ট্ৰাইক ৰেটেৰে 2,794 ৰাণ সংগ্ৰহ কৰিবলৈ সক্ষম হয় ৷
বিৰাট কোহলীৰ দহটা ‘বিৰাট’ ৰেকৰ্ড-
1. এদিনীয় শৃংখলাত কোহলীৰ তীব্ৰগতিত 175 খন মেচত 8,000 ৰাণ,194 খন মেচত 9,000 ৰাণ,205 খন মেচত 10,000 ৰাণ আৰু 222 খন মেচত 11,000 ৰাণ সংগ্ৰহ ৷
2. এদিনীয় শৃংখলাত 7 বাৰ 300তকৈ অধিক ৰাণ সংগ্ৰহ কৰি বিশ্ব ৰেকৰ্ড ৷
3. এদিনীয়া শৃংখলাত 26 টা শতক অৰ্জন ৷
4. প্ৰথম তিনিখন টেষ্ট মেচত শতক অৰ্জন কৰা কোহলী প্ৰথম গৰাকী কেপ্তেইন হিচাপে ৰেকৰ্ড ৷