স্পৰ্টছ ডেস্ক, 27 ছেপ্টেম্বৰঃ অসমৰ ক্ৰীড়া প্ৰেমীলৈ আহিছে সুখবৰ ৷ পুনৰ গুৱাহাটীৰ বৰ্ষাপাৰা ষ্টেডিয়ামত অনুষ্ঠিত হ’ব আন্তঃৰাষ্ট্ৰীয় ক্ৰিকেট মেচ ৷ জিম্বাৱৱে দলৰ ওপৰত নিষেধাজ্ঞা আৰোপ হোৱাৰ পাচতেই ভাৰত ভ্ৰমণলৈ আহিব শ্ৰীলংকা ক্ৰিকেট দলটো ৷
বিচিচিআইৰ অনুৰোধমৰ্মেই তিনিখন টি-20 মেচত অংশ গ্ৰহণ কৰাৰ বাবে ভাৰতলৈ আহিব শ্ৰীলংকা ক্ৰিকেট দলটো ৷ গুৱাহাটীত অহা বৰ্ষৰ 5 জানুৱাৰীত অনুষ্ঠিত হ’ব প্ৰথমখন টি-20 মেচ ৷
উল্লেখ্য যে,শেষবাৰৰ বাবে বৰ্ষাপাৰা ষ্টেডিয়ামত ৱেষ্ট ইণ্ডিজৰ বিৰুদ্ধে 21 অক্টোবৰত আন্তঃৰাষ্ট্ৰীয় এদিনীয়া ক্ৰিকেটত মুখামুখি হৈছিল ভাৰত ৷ য’ত 8 উইকেটত জয় লাভ কৰিবলৈ সক্ষম হৈছিল ভাৰতে ৷ মেচখনত বিৰাট কোহলি আৰু ৰোহিত শৰ্মাই অৰ্জন কৰিছিল শতক ৷
তিনিখন টি-20 মেচঃ
- 5 জানুৱাৰীঃ প্ৰথম টি-20 মেচ, গুৱাহাটী
- 7 জানুৱাৰীঃ দ্বিতীয় টি-20 মেচ, ইন্দোৰ
- 10 জানুৱাৰীঃ তৃতীয় টি-20 মেচ, পুনে
লগতে চাওকঃ প্ৰথম টেষ্টত কোনে পাব স্থান : পন্ত নে শ্বাহা !
