স্পৰ্টছ ডেস্ক, 8 জানুৱাৰী : প্ৰথম ইনিংছত অষ্ট্ৰেলিয়াই ষ্টিভ স্মিথৰ শতকৰ জৰিয়তে সংগ্ৰহ কৰে 338 ৰাণ ৷ ইয়াৰ মাজতে 4 টাকৈ অষ্ট্ৰেলিয়াৰ উইকেটৰ পতন ঘটাই উজ্বলি উঠে ভাৰতৰ অল ৰাউণ্ডাৰ ৰবীন্দ্ৰ জাদেজা ৷
ইয়াৰ পাচতে ভাৰতে বেটিং কৰিবলৈ খেলপথাৰত নামি চাহ বিৰতি পৰ্যন্ত এটাও উইকেট নেহেৰুৱাকৈ সংগ্ৰহ কৰিছিল 26 ৰাণ ৷ সেই সময়ত 9 অ'ভাৰত শুভমন গীল (14 ৰাণ) আৰু ৰোহিত শৰ্মাই (11) ৰাণত বেটিং কৰি আছিল ৷
আনহাতে, অষ্ট্ৰেলিয়াৰ ইনিংছত স্মিথে 27 সংখ্যক শতক অৰ্জন কৰে ৷ তেওঁ 226 বলত সংগ্ৰহ কৰে 131 ৰাণ ৷ ইয়াৰোপৰি, মাৰ্নাছ লাবুছেইনৰ সৈতে 100 ৰাণৰ পাৰ্টনাৰশ্বিপো কৰে স্মিথে ৷ মাৰ্নাছ লাবুছেইনে ব্যক্তিগতভাৱে 196 টা বলত সংগ্ৰহ কৰে 91 ৰাণ ৷