স্পৰ্টছ ডেস্ক, 30 ডিচেম্বৰঃ প্ৰকাশ পালে আই চি চিৰ নতুন টেষ্ট ৰেংকিঙ ৷ 2019 বৰ্ষৰ অন্তত আই চি চি ৰ টেষ্ট ক্ৰিকেটৰ শীৰ্ষ স্থান অক্ষুণ্ণ ৰাখিবলৈ সক্ষম হৈছে ভাৰতীয় টেষ্ট ক্ৰিকেট দলৰ অধিনায়ক বিৰাট কোহলিয়ে ৷ 928 পইণ্ট লাভেৰে শীৰ্ষ স্থান লাভ কৰিলে কোহলিয়ে ৷ কোহলিৰ পাচতেই 911 পইণ্ট লাভেৰে অষ্ট্ৰেলিয়াৰ ষ্টিভ স্মিথ দ্বিতীয় আৰু 822 পইণ্ট লাভেৰে তৃতীয় স্থানত আছে নিউজিলেণ্ডৰ অধিনায়ক কেন উলিয়ামচন ৷
2019 বৰ্ষৰ অন্তত টেষ্ট ৰেকিঙৰ শীৰ্ষ স্থানত কোহলি
2019 বৰ্ষৰ অন্তত আই চি চি ৰ টেষ্ট ক্ৰিকেটৰ শীৰ্ষ স্থান অক্ষুণ্ণ ৰাখিলে ভাৰতৰ টেষ্ট ক্ৰিকেট দলৰ অধিনায়ক বিৰাট কোহলিয়ে ৷ কোহলিৰ লগতে শীৰ্ষ দহটা স্থানত আছে আন দুই ভাৰতীয় খেলুৱৈ ৷
2019 বৰ্ষৰ অন্তত টেষ্ট ৰেকিঙৰ শীৰ্ষ স্থান অক্ষুণ্ণ কোহলিৰ
আনহাতে এই তালিকাতে শীৰ্ষ দহটা স্থানত স্থান লাভ কৰিবলৈ সক্ষম হৈছে ভাৰতৰ আন দুই খেলুৱৈ চেতেশ্বৰ পূজাৰা আৰু অজ্যিংকা ৰাহানেয়ে ৷ পূজাৰা পঞ্চম স্থান লাভ কৰাৰ বিপৰীতে সপ্তম স্থান লাভ কৰিছে ৰাহানেয়ে ৷ ইপিনে কেৰিয়াৰৰ সৰ্বশ্ৰেষ্ঠ ৰেকিংঙেৰে এই বৰ্ষৰ অন্ত পেলাব অষ্ট্ৰেলিয়াৰ প্ৰতিভাৱান খেলুৱৈ মাৰ্নছ লাবুচানে ৷ চতুৰ্থ স্থান দখল কৰিবলৈ সক্ষম হৈছে অষ্ট্ৰেলিয়াৰ খেলুৱৈগৰাকীয়ে ৷
ইপিনে বলিঙত শীৰ্ষ স্থান দখল কৰিবলৈ সক্ষম হৈছে অষ্ট্ৰেলিয়াৰ পেট কামিন্সে ৷ 902 পইণ্টৰে প্ৰথম স্থানত কামিন্স থকাৰ বিপৰীতে 859 পইণ্টেৰে নেইল ৱেগনাৰ দ্বিতীয় আৰু 832 পইণ্টেৰে তৃতীয় স্থানত আছে কাগিছ ৰাবাডা ৷ আনহাতে ষষ্ঠ স্থানত জছপ্ৰীত বোমৰাহ থকাৰ বিপৰীতে নৱম স্থানত আশ্বিন আৰু দশম স্থান দখল কৰিছে মহম্মদ শ্বামীয়ে ৷