আইচিচি টেষ্ট ৰেংকিং : কেৰিয়াৰৰ সৰ্বোচ্চ ৰেংকিঙত উপনীত বেন ষ্টোকছ

ইংলেণ্ডৰ অল ৰাউণ্ডাৰ বেন ষ্টোকছে অষ্ট্ৰেলিয়াৰ বিৰুদ্ধে তৃতীয় এছেজ শৃংখলাত সুন্দৰ প্ৰদৰ্শন আগবঢ়োৱাৰ পাচতেই আইচিচি টেষ্ট ৰেংকিঙত অগ্ৰগতি লাভ কৰিবলৈ সক্ষম হৈছে ৷ মঙলবাৰে ঘোষণা কৰা এই তালিকাত টেষ্ট ৰেংকিঙৰ বেটছমেনৰ তালিকাত 13 সংখ্যক স্থানলৈ অগ্ৰসৰ হৈছে ৷

স্পৰ্টছ ডেস্ক, 27 আগষ্ট :ইংলেণ্ডৰ অল ৰাউণ্ডাৰ বেন ষ্টোকছে অষ্ট্ৰেলিয়াৰ বিৰুদ্ধে তৃতীয় এছেজ শৃংখলাত সুন্দৰ প্ৰদৰ্শন আগবঢ়োৱাৰ পাচতে আইচিচি টেষ্ট ৰেংকিঙত অগ্ৰগতি লাভ কৰিবলৈ সক্ষম হৈছে ৷ মঙলবাৰে ঘোষণা কৰা এই তালিকাত টেষ্ট ৰেংকিঙৰ বেটছমেনৰ তালিকাত 13 সংখ্যক স্থানলৈ অগ্ৰসৰ হৈছে ৷ 13 টাকৈ ৰেংকৰ উন্নতি ঘটাই ষ্টোকছে কেৰিয়াৰৰ সৰ্বোচ্চ স্থান লাভ কৰিবলৈ সক্ষম হৈছে ৷

আনহাতে, অল ৰাউণ্ডাৰৰ ৰেংকিঙতো ষ্টোকছ দ্বিতীয় স্থানলৈ উন্নীত হৈছে ৷ হেডিংলী টেষ্টৰ পাছতে 44 পইন্ট সংগ্ৰহ কৰি ষ্টোকছে সৰ্বমুঠ 411 পইন্ট দখল কৰিছে আৰু ৱেষ্ট ইণ্ডিজৰ জেছন হ'ল্ডাৰৰ পাছতে স্থান লাভ কৰিছে ৷

বেটছমেনৰ তালিকাত ভাৰতীয় অধিনায়ক বিৰাট কোহলীয়ে 910 পইন্ট সংগ্ৰহেৰে প্ৰথম স্থান অক্ষুণ্ণ ৰাখিছে ৷ ৱেষ্ট ইণ্ডিজৰ বিৰুদ্ধে প্ৰথম টেষ্টত 183 ৰান সংগ্ৰহ কৰা ভাৰতীয় বেটছমেন আজিংকা ৰাহানেই 11 সংখ্যক স্থানলৈ উন্নীত হৈছে ৷

আনহাতে, টেষ্ট ৰেংকিঙৰ বলাৰৰ তালিকাত জছপ্ৰীত বুমৰাহে প্ৰথম 10 জন বলাৰৰ ভিতৰত স্থান লাভ কৰিছে ৷ ৱেষ্ট ইণ্ডিজৰ বিৰুদ্ধে দ্বিতীয় ইনিংছত 5 টাকৈ উইকেট দখল কৰা বুমৰাহে 774 পইন্ট সংগ্ৰহেৰে সপ্তম স্থান দখল কৰিছে ৷ আনহাতে, 908 পইন্টেৰে প্ৰথম স্থানত আছে পেট কিউমিনছ ৷