স্পৰ্টছ ডেস্ক, ২৩ মে': শুকুৰবাৰে আইচিচিৰ দ্বাৰা কিছুমান নতুন নিৰ্দেশাৱলী । COVID-১৯ ৰ পাচত আৰম্ভ হ'বলগীয়া মেচ সমূহত খেলুৱৈ সকলে পালন কৰিব লাগিব এই নতুন নিয়মাৱলী । আইচিচিয়ে ইয়াৰ পূৰ্বে ইতিমধ্যে বলত চালাইভা অথবা থুঁ ব্যৱহাৰ নকৰিবলৈ পৰামৰ্শ প্ৰদান কৰিছে খেলুৱৈ সকলক ।
শুকুৰবাৰে পুনৰ কেইটামান নতুন নিৰ্দেশাৱলী প্ৰদান কৰা হৈছে আইচিচিৰ ফালৰ পৰা । আইচিচিৰ এই নতুন নিয়ম অনুসৰি এতিয়াৰে পৰা অনুশীলনৰ সময়ত খেলুৱৈক শৌচালয় ব্যৱহাৰ নকৰিবলৈ কোৱাৰ লগতে খেলপথাৰত আম্পায়াৰক টুপি, চানগ্লাছ ধৰিবলৈ দিয়াটো বাধা আৰোপ কৰা হৈছে । কিন্তু এইটো স্পষ্ট কে উল্লেখ কৰা হোৱা নাই খেলুৱৈয়ে সেই সমূহ বস্তু ক'ত ৰাখিব । খেলুৱৈয়ে খেলপথাৰত সেই সমূহ ৰাখিব নোৱাৰিব কাৰণ তাৰ পৰা পেনাল্টী ৰান যোৱাৰ শংকা থাকিব । যেনেকৈ হেলমেটৰ ক্ষেত্ৰত প্ৰযোজ্য হয় । ইয়াৰ উপৰি সকলো খেলুৱৈয়ে খেলপথাৰত আম্পায়াৰৰ সৈতে শাৰীৰিক দূৰত্ব বজাই ৰাখিব লাগিব । ইপিনে আম্পায়েৰে বল ধৰাৰ সময়ত গ্ল'ভছৰ ব্যৱহাৰ কৰিব লাগিব বুলি নতুন নিৰ্দেশাৱলীত উল্লেখ কৰা হৈছে ।