স্পৰ্টছ ডেস্ক, 29 জুলাই : সোমবাৰে আন্তৰাষ্ট্ৰীয় ক্ৰিকেট পৰিষদ আইচিচিয়ে বিশ্ব টেষ্ট চেম্পিয়নশ্বপৰ শুভাৰম্ভণীৰ কথা ঘোষণা কৰে ৷ আইচিচিৰ সাধাৰণ প্ৰৱন্ধক জিয়ফ এলাৰডাইছে এক চৰকাৰী প্ৰতিবেদনৰ জৰিয়তে ঘোষণা কৰে যে,আইচিচি এদিনীয়া বিশ্বকাপ,2019 য়ে এইয়া প্ৰমাণিত কৰিলে যে প্ৰতিখন মেচেই বহু দৰকাৰী আৰু প্ৰতিখন মেচ লেখত লোৱা হয় ৷ বিশ্ব টেষ্ট চেম্পিয়নশ্বপো সিমানেই উপযোগী আৰু ইয়াৰ জৰিয়তে বিশ্বৰ সৰ্বশ্ৰেষ্ঠ দলকেইটাই মুখামুখি প্ৰতিদ্বন্দিতা আগবঢ়াব পাৰিব ৷
বিশ্ব টেষ্ট চেম্পিয়নশ্বিপৰ ঘোষণা কৰিলে আইচিচিয়ে
আইচিচিয়ে সোমবাৰে বিশ্ব টেষ্ট চেম্পিয়নশ্বিপৰ শুভাৰম্ভণীৰ কথা ঘোষণা কৰিছে ৷ এই প্ৰতিযোগিতাৰ ফাইনেল জুন, 2021ত অনুষ্ঠিত হ'ব ৷
বিশ্ব টেষ্ট চেম্পিয়নশ্বিপৰ ঘোষণা কৰিলে আইচিচিয়ে
উল্লেখ্য যে,চলিত বৰ্ষৰ 1 আগষ্টৰ পৰা ইংলেণ্ড আৰু অষ্ট্ৰেলিয়াৰ মাজত এছেজ শৃংখলা অনুষ্ঠিত হ'ব ৷ এই শৃংখলাৰ লগে লগে বিশ্ব টেষ্ট চেম্পিয়নশ্বিপৰ আৰম্ভণী হ'ব ৷ বিশ্ব টেষ্ট চেম্পিয়নশ্বিপত অংশগ্ৰহণ কৰিব টেষ্টৰ সৰ্বশ্ৰেষ্ঠ 9 টাকৈ দলে ৷ এই দলকেইটা হৈছে অষ্ট্ৰেলিয়া, বাংলাদেশ,ইংলেণ্ড,ভাৰত,নিউজিলেণ্ড,পাকিস্তান,দক্ষিণ আফ্ৰিকা শ্ৰীলংকা আৰু বেষ্ট ইণ্ডিজ ৷
এই চেম্পিয়নশ্বিপত 9 টা দলে দুই বছৰ পৰ্যন্ত 27 টাকৈ ছিৰিজত 71 খন টেষ্ট মেচত অংশগ্ৰহণ কৰিব ৷ ইয়াৰ পাছতে শীৰ্ষ দুই দলে জুন, 2021ত গ্ৰেট ব্ৰিটেইনত আইচিচি বিশ্ব টেষ্ট চেম্পিয়নশ্বিপৰ ফাইনেলত অংশগ্ৰহণ কৰিব ৷