আইচিচি এদিনীয়া ৰেংকিঙৰ শীৰ্ষত বিৰাট-বুমৰাহ

আইচিচি এদিনীয়া ক্ৰিকেট ৰেংকিঙত পুনৰ ভাৰতীয় খেলুৱৈৰ দপ-দপণি ৷ বেটিঙৰ শীৰ্ষত কোহলি থকাৰ বিপৰীতে বলিঙৰ শীৰ্ষত বুমৰাহ ৷

স্পৰ্টছ ডেস্ক, 20 জানুৱাৰীঃশেহতীয়াকৈ প্ৰকাশ পোৱা আইচিচি এদিনীয়া ৰেংকিঙত ভাৰতীয় খেলুৱৈৰ দপ-দপণি ৷ আইচিচি এদিনীয়া ৰেকিঙৰ বেটিঙত 886 পইণ্টেৰে বিৰাট কোহলি প্ৰথম স্থান দখল কৰাৰ বিপৰীতে 868 পইণ্টেৰেদ্বিতীয় স্থানত আছে ৰোহিত শৰ্মা৷ আনহাতে তৃতীয় স্থানতআছে পাকিস্তানৰ বাবৰ আজম৷ ইপিনে শিখৰ ধাৱনে15 সংখ্যক স্থান দখল কৰাৰ বিপীৰিতে কে.এল ৰাহুলে50 সংখ্যক স্থান লাভ কৰিবলৈ সক্ষম হৈছে ৷ আনহাতে ভাৰত আৰু অষ্ট্ৰেলিয়াৰ শৃংখলাত 229 ৰান সংগ্ৰহ কৰা অষ্ট্ৰেলিয়াৰ ষ্টিভ স্মিথে 4 স্থানৰ অগ্ৰগতিৰে 23 সংখ্যক স্থানত উপনীত হৈছে ৷

আইচিচি এদিনীয়া ক্ৰিকেট ৰেংকিঙ (বলিং)

ইপিনে বলিঙৰ তালিকাতো শীৰ্ষতো স্থান দখল কৰিবলৈ সক্ষম হয় ভাৰতীয় খেলুৱৈয়ে ৷ 764 পইণ্টেৰে প্ৰথম স্থানত অধিষ্ঠিত হয় জছপ্ৰীত বুমৰাহ৷ ইপিনে দ্বিতীয় স্থানত 737 পইণ্টেৰেট্ৰেণ্ট বল্টআৰু 701 পইণ্টেৰে তৃতীয় স্থানত আছে আফগানিস্তানৰ মুজিবৰ ৰহমান ৷ ইয়াৰ লগতে দক্ষিণ আফ্ৰিকাৰ কাগিছো ৰাৱাডাই চতুৰ্থ স্থানত থকাৰ বিপৰীতে পঞ্চম স্থানত আছে পেট কামিন্স ৷

আইচিচি এদিনীয়া ক্ৰিকেট ৰেংকিঙ (বেটিং)

ইপিনে অল ৰাউণ্ডাৰৰ ৰেংকিঙত দশম স্থান দখল কৰিবলৈ সক্ষম হৈছে ৰবিন্দ্ৰ জাডেজাই ৷ প্ৰথম স্থানত ইংলেণ্ডৰ বেন ষ্টক’ছ থকাৰ বিপৰীতে দ্বিতীয় স্থানত আছে আফগানিস্তানৰ মহম্মদ নাবী ৷

• লগতে চাওক- ক্ৰিকেট পিটছত পুনৰ ইস্ত্ৰি ! ক’লৈ যায় কোটি-কোটি টকা..