আন্তঃৰাষ্ট্ৰীয় ক্ৰিকেটৰ "ছিক্সাৰ কিং" ক্ৰিছ গেইল

ভংগ কৰিলে বোম-বোম আফ্ৰিদীৰ অভিলেখ

স্পৰ্টছ ডেস্ক, ২১ ফেব্ৰুৱাৰীঃআন্তঃৰাষ্ট্ৰীয় ক্ৰিকেটত নতুন অভিলেখ কেৰিবিয়ান খেলুৱৈ ক্ৰিছ গেইলৰ । সাত মাহৰ পাচত আন্তঃৰাষ্ট্ৰীয় ক্ৰিকেটত প্ৰত্যাৱৰ্তন কৰিয়ে গঢ়িলে নতুন অভিলেখ ।

বুধবাৰে ইংলেণ্ডৰ বিৰুদ্ধে পাঁচ মেচৰ প্ৰথমখন এদিনীয়াত নিজৰ ইনিংছৰ প্ৰথমটো ছয় মাৰিয়ে আন্তঃৰাষ্ট্ৰীয় ক্ৰিকেটত আটাইতকৈ বেছি ছয় মৰা খেলুৱৈৰ গৌৰৱ অৰ্জন কৰিলে গেইলে । ইয়াৰ পূৰ্বে ছাহিদ আফ্ৰিদীৰ সৈতে ৪৭৬ টা ছয়েৰে যুটীয়া ভাৱে প্ৰথম স্থানত আছিল গেইল । পাকিস্তানৰ আফ্ৰিদীৰ নামত ২৭খন টেষ্টত ৫২ টা, ৩৯৮ খন এদিনীয়াত ৩৫১ টা, ৯৯ খন আন্তঃৰাষ্ট্ৰীয় টি-২০ত ৭৩ টা ছয় আছে । আনহাতে গেইলৰ নামত ১০৩ খন টেষ্টত ৯৮ টা, ২৮৫ খন এদিনীয়াত ২৮০ টা আৰু ৫৬ খন আন্তঃৰাষ্ট্ৰীয় টি-২০ত ১০৩ টা ছয়ৰ অভিলেখ আছে । গেইলে যদিও আন্তঃৰাষ্ট্ৰীয় ক্ৰিকেটত ছিক্সৰ ক্ষেত্ৰত আফ্ৰিদীক পিচ পেলাবলৈ সক্ষম হৈছে কিন্তু এদিনীয়া ক্ৰিকেটত এতিয়াও বহু পিচ পৰি আছে খেলুৱৈগৰাকী ।