গৌতম গম্ভীৰ নিৰুদ্দেশ ! ছ’চিয়েল মিডিয়াত ভাইৰেল

ভাৰত-বাংলাদেশৰ মাজত ইন্দোৰত অনুষ্ঠিত হৈ থকা প্ৰথমখন টেষ্টত ঘোষকৰ ভূমিকাত দেখা পোৱা গৈছিল গৌতম গম্ভীৰক ৷

স্পৰ্টছ ডেস্ক, 15 নৱেম্বৰ: আম আদমী পাৰ্টীৰ অভিনৱ প্ৰতিবাদ ৷ ঠায়ে ঠায়ে আঁৰিলে বিজেপিৰ দিল্লীৰ সাংসদ গৌতম গম্ভীৰৰ নিৰুদ্দেশ হোৱাৰ প’ষ্টাৰ ৷ জংগপুৰাৰ আম আদমী দলৰ বিধায়ক প্ৰবীণ কুমাৰে এক টুইট কৰি গৌতম গম্ভীৰ নিৰুদ্দেশ হোৱাৰ প’ষ্টাৰ শ্বেয়াৰ কৰে ৷

ইয়াৰ পাচতেই ভাইৰেল হৈ পৰে ছ’চিয়েল মিডিয়াত গম্ভীৰ নিৰুদ্দেশ হোৱাৰ বাতৰি ৷ আচলতে দিল্লীত ভয়াৱহ ভাৱে বৃদ্ধি পোৱা বায়ু প্ৰদূষণক লৈ শুকুৰবাৰে 'সংসদীয় স্থায়ী সমিতি'ৰ এক বৈঠক অনুষ্ঠিত হৈছিল ৷ য’ত সাংসদগৰাকী অনুপস্থিত থাকে ৷ যাৰ বাবে বিজেপিৰ সাংসদগৰাকীক এনেদৰে আক্ৰমণৰ লক্ষ্য কৰি লয় আম আদমী দলটোৱে ৷

উল্লেখ্য যে, ভাৰত-বাংলাদেশৰ মাজত ইন্দোৰত অনুষ্ঠিত হৈ থকা প্ৰথমখন টেষ্টত ঘোষকৰ ভূমিকাত দেখা পোৱা গৈছিল গৌতম গম্ভীৰক ৷

অৱশ্যে গম্ভীৰে ইয়াৰ প্ৰত্যুত্তৰত টুইট কৰি কয়, ''মোৰ কৰ্মই সকলো ক’ব '' ৷