এতিয়া ২০১৯ বিশ্বকাপত চকু: হজৰাতুল্লাহ জাজাই

ইটিভি ভাৰতৰ সৈতে এক আছুতীয়া সাক্ষাৎকাৰত হজৰাতুল্লাহ জাজাই । বিশ্বকাপ ক্ৰিকেটৰ প্ৰস্তুতি তুংগত বুলি জনায় ক্ৰিকেটাৰগৰাকীয়ে ।

নিউজ ডেস্ক, ২৪ফেব্ৰ্ুৱাৰী: ইটিভি ভাৰতৰ সৈতে এক আছুতীয়া সাক্ষাৎকাৰত অংশগ্ৰহণ কৰিছে আফগানিস্তানৰ ক্ৰিকেটাৰ হজৰাতুল্লাহ জাজায়ে । শেহতীয়াকৈ আয়াৰলেণ্ডৰ বিৰুদ্ধে অপৰাজিত ১৬২ৰাণেৰে "মেন অব দা মেচ" সন্মান লাভ কৰা খেলুৱৈগৰাকীয়ে জনায় যে তেওঁৰ দলটো ভাল ফৰ্মত আছে আৰু একেলেথাৰিয়ে ভাল প্ৰদৰ্শন কৰি আহিছে । এতিয়া তেওঁলোকৰ দলটোৰ উদ্দেশ্য বহুঅপেক্ষিত বিশ্বকাপ ক্ৰিকেটৰ ওপৰত আৰু তাৰ প্ৰস্তুতি তুংগত বুলিও তেওঁ জনায় ।

সাক্ষাৎকাৰত খেলুৱৈগৰাকীয়ে কয় যে, তেওঁ কোনো অভিলেখ ভংগ কৰাৰ কল্পনা নকৰে । তেওঁৰ লক্ষ্য এতিয়া ভাল প্ৰদৰ্শন কৰা আৰু দলক জয় প্ৰদান কৰা । তথাপিও অভিলেখ ভংগ কৰি ভাল লাগে বুলিও তেওঁ জনায় ।