প্ৰথমটো হেট্ৰিকৰ বাবে কোহলীক কৃতিত্ব দিলে বুমৰাহে

ভাৰতীয় পেচাৰ জছপ্ৰীত বুমৰাহে ৱেষ্ট ইণ্ডিজৰ বিৰুদ্ধে অৰ্জন কৰা হেট্ৰিকৰ কৃতিত্ব প্ৰদান কৰে দলৰ অধিনায়ক বিৰাট কোহলীক ৷ কোহলীৰ ৰিভিউ সিদ্ধান্তৰ বাবেই তৃতীয় উইকেটটো দখল কৰিবলৈ সক্ষম হয় বুলি মন্তব্য কৰে বুমৰাহে ৷ নৱম অ'ভাৰত বুমৰাহে ডাৰেন ব্ৰেভ', ছামাহ ব্ৰুকছ আৰু ৰ'ষ্টন ছেজৰ উইকেট দখল কৰিবলৈ সক্ষম হয় ৷

স্পৰ্টছ ডেস্ক, 1 ছেপ্তেম্বৰ : ভাৰতীয় পেচাৰ জছপ্ৰীত বুমৰাহে ৱেষ্ট ইণ্ডিজৰ বিৰুদ্ধে অৰ্জন কৰা হেট্ৰিকৰ কৃতিত্ব প্ৰদান কৰে দলৰ অধিনায়ক বিৰাট কোহলীক ৷ কোহলীৰ ৰিভিউ সিদ্ধান্তৰ বাবেই তৃতীয় উইকেটটো দখল কৰিবলৈ সক্ষম হয় বুলি মন্তব্য কৰে বুমৰাহে ৷ নৱম অ'ভাৰত বুমৰাহে ডাৰেন ব্ৰেভ', ছামাহ ব্ৰুকছ আৰু ৰ'ষ্টন ছেজৰ উইকেট দখল কৰিবলৈ সক্ষম হয় ৷

ছেজক আম্পায়াৰে নট আউট ঘোষণা কৰাৰ পাছতে কোহলীয়ে ৰিভিউ প্ৰণালীৰ সহায় লয় ৷ ইয়াৰ জৰিয়তে বলে ষ্টাম্পক কোবাই যোৱা পৰিলক্ষিত হোৱাৰ পাছতে ছেজক আউট ঘোষণা কৰা হয় ৷

প্ৰথমটো হেট্ৰিকৰ বাবে কোহলীক কৃতিত্ব দিলে বুমৰাহে

বিচিচিআই টিভিত প্ৰকাশ পোৱা এক ভিডিঅ'ত বুমৰাহে মন্তব্য কৰে, "বল গৈ বেটত লগা বুলি ভবাৰ বাবে মই আউটৰ আহ্বান নজনালো ৷ কিন্তু পাছত এয়া এক শুদ্ধ ৰিভিউ হিচাপে পৰিগণিত হ'ল সেয়েহে অধিনায়ক কোহলীৰ ওচৰত এই হেট্ৰিকৰ বাবে ঋণী হৈ ৰ'লো ৷"

উল্লেখ্য যে, এই হেট্ৰিকৰ জৰিয়তে টেষ্ট ক্ৰিকেটত হেট্ৰিক অৰ্জন কৰা তৃতীয় গৰাকী ভাৰতীয় হিচাপে পৰিগণিত হ'ল বুমৰাহ ৷