কলকাতা নাইট ৰাইডাৰ্ছৰ সহায়ক প্ৰশিক্ষক হ’ব মেক্কুলাম

ক্ৰিকেটৰ মৈদানত দ্বিতীয় ইনিংছ খেলাৰ বাবে সাজু হৈছে নিউজিলেণ্ডৰ প্ৰাক্তন অধিনায়ক ব্ৰেডন মেক্কুলাম ৷ সকলো ধৰণৰ ক্ৰিকেটৰ পৰা বিদায় লোৱাৰ পাচতেই কলকাতা নাইট ৰাইডাৰ্ছৰ সহায়ক প্ৰশিক্ষক ৰূপে দেখা পোৱা যাব মেক্কুলামক ৷

স্পৰ্টছ ডেস্ক, 9 আগষ্টঃক্ৰিকেটৰ মৈদানত দ্বিতীয় ইনিংছ খেলাৰ বাবে সাজু হৈছে নিউজিলেণ্ডৰ প্ৰাক্তন অধিনায়ক ব্ৰেডন মেক্কুলাম ৷ কেৰিবিয়ান প্ৰীমিয়াৰ লীগৰ ত্ৰিনবাগো নাইট ৰাইডাৰ্ছৰ মুখ্য প্ৰশিক্ষকৰ দায়িত্ব লাভ কৰাৰ বিপৰীতে দুবাৰৰ আই পি এল চেম্পিয়ন কলকাতা নাইট ৰাইডাৰ্ছ দলৰ সহায়ক প্ৰশিক্ষকৰ ভূমিকাত দেখা পোৱা যাব ব্ৰেডন মেক্কুলামক ৷ কলকাতা নাইট ৰাইডাৰ্ছ দলটোৱে বৰ্তমান মুখ্য প্ৰশিক্ষক জেক কালিছ আৰু সহায়ক প্ৰশিক্ষকৰ ভূমিকাত থকা ছাইমন কেটিজৰ সৈতে চুক্তি ভংগ কৰিছে ৷ আই পি এলৰ প্ৰথম ছিজনত কলকাতাৰ হৈ অৱতীৰ্ণ হৈছিল মেক্কুলাম ৷ মেচখনত মেক্কুলামে বিস্ফোৰক 158 ৰান কৰিবলৈ সক্ষম হৈছিল ৷