স্পৰ্টছ ডেস্ক, 6 ছেপ্তেম্বৰ : ক্ৰীড়া অনুৰাগীৰ বাবে ডাঙৰ খবৰ ৷ দেওবাৰে ঘোষণা কৰা হ’ল আইপিএলৰ ত্ৰয়োদশ সংস্কৰণৰ কাৰ্যক্ৰমণিকা ৷ অহা 19 ছেপ্তেম্বৰৰ পৰা 10 নৱেম্বৰলৈ অনুষ্ঠিত হ’ব আইপিএলৰ ত্ৰয়োদশ সংস্কৰণ ৷ প্ৰথমখন মেচত মুখামুখি হ’ব ধোনী নেতৃত্বাধীন চেন্নাই চুপাৰ কিংছ বনাম ৰোহিত নেতৃত্বাধীন মুম্বাই ইণ্ডিয়ানছ ৷
কৰ’ণা ভাইৰাছৰ ফলত সংযুক্ত আৰৱ আমিৰাতত অনুষ্ঠিত হ’ব 2020 বৰ্ষৰ আইপিএল ৷ 24 খন মেচ ডুবাইত অনুষ্ঠিত হোৱাৰ বিপৰীতে 20 খন মেচ আবু ধাবিত আৰু 12 খন মেচ অনুষ্ঠিত হ’ব শ্বাৰজাহত ৷ ভাৰতীয় সময় অনুসৰি দিনৰ 3.30 বজাত আৰু সন্ধিয়া 7.30 বজাত অনুষ্ঠিত হ’ব মেচ সমূহ ৷ বৰ্তমানেও ঘোষণা কৰা হোৱা নাই ফাইনেলৰ স্থান ৷