স্পৰ্টছ ডেস্ক, 8 ছেপ্তেম্বৰঃ মানচেষ্টাৰৰ অল্ড ট্ৰেফৰ্ডত জয় লাভ অষ্ট্ৰেলিয়াৰ ৷ 186 ৰানত পৰাস্ত ইংলেণ্ড ৷ ইংলেণ্ডক পৰাস্ত কৰি পুনৰ এছেজ নিজৰ অধীনত ৰাখিবলৈ সক্ষম হৈছে অষ্ট্ৰেলিয়াই ৷ চতুৰ্থখন টেষ্টৰ অন্তিমটো দিনত 83 টা বল বাকী থকাত জয়ী হয় অষ্ট্ৰেলিয়া ৷ মেচখনত 384 ৰান লক্ষ্য বান্ধি দিছিল অষ্ট্ৰেলিয়াই ৷ দ্বিতীয়খন ইনিংছত 197 ৰানত অল আউট হয় ইংলেণ্ড ৷ ইয়াৰ পূৰ্বে অষ্ট্ৰেলিয়াই 8 উইকেটৰ বিনিময়ত 497 ৰান কৰি প্ৰথম ইনিংছ ঘোষণা কৰিছিল ৷ অষ্ট্ৰেলিয়াৰ হৈ ষ্টিভ স্মিথে সৰ্বাধিক 211 ৰান কৰাৰ বিপৰীতে মাৰনুছ লাবুচেন, টিম পেইন আৰু মিটচেল ষ্ট্ৰাকে অৰ্ধশতকীয় ইনিংছ খেলিবলৈ সক্ষম হয় ৷
এছেজ শৃংখলাঃ চতুৰ্থখন টেষ্টত জয় লাভ অষ্ট্ৰেলিয়াৰ ইয়াৰ প্ৰত্যুত্তৰত ৰৰী বাৰ্নাছৰ 81 আৰু জু ৰুটৰ 71 ৰানৰ বিনিময়ত 301 ৰান কৰি অল আউট হয় ইংলেণ্ড ৷ অষ্ট্ৰেলিয়াৰ হৈ জছ হেজেলৱুডে 4 টা, মিটচেল ষ্ট্ৰাক আৰু পেট কামিংন্সে 3 টাকৈ উইকেট দখল কৰে ৷
এছেজ শৃংখলাঃ চতুৰ্থখন টেষ্টত জয় লাভ অষ্ট্ৰেলিয়াৰ ইয়াৰ পাচত অষ্ট্ৰেলিয়াই দ্বিতীয় ইনিংছত 6 উইকেটৰ বিনিময়ত 186 ৰান কৰি ইনিংছ ঘোষণা কৰি 384 ৰান লক্ষ্য বান্ধি দিছিল ইংলেণ্ডক ৷ এই লক্ষ্য অতিক্ৰম কৰিবলৈ আহি ইংলেণ্ডে চতুৰ্থ দিনৰ অন্তত দুই উইকেট হেৰুৱাই সংগ্ৰহ কৰিছিল 18 ৰান ৷ পঞ্চম দিনা সম্পূৰ্ণ দলটো 197 ৰান কৰি আউট হয় ৷ অষ্ট্ৰেলিয়াৰ হৈ দ্বিতীয় ইনিংছত পেট কামিংন্সে 4 টা উইকেট ল’বলৈ সক্ষম হৈছে ৷ আনহাতে জছ হেজলৱুড আৰু নাথান লায়নে 2 টাকৈ আৰু মিটচেল ষ্ট্ৰাক আৰু মাৰনুছ লাবুচেনে 1 টা 1 টা কৈ উইকেট দখল কৰে ৷
ইংলেণ্ডৰ হৈ সৰ্বাধিক 53 ৰানৰ বৰঙণি আগবঢ়ায় জু ডেনলীয়ে ৷ এই জয়েৰে এছেজ শৃংখলা নিজৰ অধীনত ৰাখিবলৈ সক্ষম হৈছে অষ্ট্ৰেলিয়াই ৷ অন্তিমখন তথা পঞ্চমখন টেষ্ট মেচ অনুষ্ঠিত হ’ব 12 ছেপ্তেম্বৰত ৷ 2-1 ৰে শৃংখলাত অগ্ৰগতি অষ্ট্ৰেলিয়াৰ ৷
