স্পৰ্টছ ডেস্ক, 5 ডিচেম্বৰ :অষ্ট্ৰেলিয়াৰ বিৰুদ্ধে দ্বিতীয় আৰু তৃতীয় টি-20 মেচৰ পূৰ্বে আঘাতপ্ৰাপ্ত হৈ শৃংখলাৰ পৰা বাহিৰ হৈছে ৰবীন্দ্ৰ জাদেজা ৷ তেওঁৰ অনুপস্থিতিত দলত স্থান লাভ কৰিছে শাৰদুল ঠাকুৰে ৷ বিচিচিআইয়ে কয় যে, বৰ্তমান জাদেজা নিৰীক্ষণত থাকিব আৰু শনিবাৰে পুনৰ তেওঁৰ পৰীক্ষণ কৰা হ'ব ৷
উল্লেখ্য যে, প্ৰথমখন টি-20 মেচত ভাৰতৰ জয়ত বিশেষ ভূমিকা গ্ৰহণ কৰিছিল ৰবীন্দ্ৰ জাদেজাই ৷ তেওঁৰ 23 বলত 44 ৰাণৰ ইনিংছৰ বাবেই ভাৰতে অষ্ট্ৰেলিয়াৰ বিৰুদ্ধে 7 উইকেট হেৰুৱাই 161 ৰাণ সংগ্ৰহ কৰিবলৈ সক্ষম হৈছিল ৷ সেই মেচৰে ভাৰতৰ ইনিংছৰ অন্তিম অ'ভাৰত এটা বলে তেওঁৰ হেলমেটত আঘাত কৰিছিল ৷ জাদেজা আঘাতপ্ৰাপ্ত হোৱাৰ ফলত তেওঁৰ স্থানত দলত অন্তৰ্ভূক্ত কৰা হৈছিল য়ুজবেন্দ্ৰ চাহালক ৷