ভাৰত বনাম অষ্ট্ৰেলিয়া : জ' ৰোটৰ অভিলেখ ভংগ চেতেশ্বৰ পূজাৰাৰ

ইংলেণ্ডৰ অধিনায়ক জ' ৰোটৰ অভিলেখ ভংগ ভাৰতীয় বেটছমেন চেতেশ্বৰ পূজাৰাৰ ৷ যোৱা 10 বছৰত অষ্ট্ৰেলিয়াৰ বিৰুদ্ধে সৰ্বাধিক বলৰ মুখামুখি হোৱাৰ অভিলেখ পূজাৰাৰ ৷

স্পৰ্টছ ডেস্ক, 18 ডিচেম্বৰ :ভাৰতীয় বেটছমেন চেতেশ্বৰ পূজাৰাই প্ৰথম টেষ্টৰ প্ৰথম ইনিংছত অৰ্ধশতক অৰ্জন কৰিব নোৱাৰিলেও ইংলেণ্ডৰ অধিনায়ক জ' ৰোটৰ অভিলেখ ভংগ কৰে ৷ যোৱা 10 বছৰত অষ্ট্ৰেলিয়াৰ বিৰুদ্ধে ক্ৰিকেটৰ দীৰ্ঘতম ফৰমেটত সৰ্বাধিক বলৰ মুখামুখি হোৱাৰ অভিলেখ গঢ়ে পূজাৰাই ৷

যোৱা 10 বছৰত অষ্ট্ৰেলিয়াৰ বিৰুদ্ধে 28 টা ইনিংছত পূজাৰাই সন্মুখীন হৈছে 3,609 টা বলৰ ৷ এডিলেইড মেচৰ প্ৰথম ইনিংছত পূজাৰাই 160 টা বলত সংগ্ৰহ কৰে 43 ৰাণ ৷

আনহাতে, টেষ্ট ক্ৰিকেটত 5,962 ৰাণ সংগ্ৰহ কৰা ৰোটে যোৱা এটা দশকত অষ্ট্ৰেলিয়াৰ বিৰুদ্ধে মুখামুখি হৈছে 3,607 টা বলৰ ৷ ভাৰতীয় অধিনায়ক বিৰোট কোহলী আৰু বেটছমেন এলিষ্টেয়াৰ কুকে অষ্ট্ৰেলিয়াৰ বিৰুদ্ধে মুখামুখী হৈছে ক্ৰমে 3,115 আৰু 3,274 টা বলৰ ৷

লগতে পঢ়ক :ষ্টাৰ্ক, কামিনছৰ প্ৰদৰ্শনেৰে ভাৰতক 244 ৰাণত সীমাবদ্ধ অষ্ট্ৰেলিয়াৰ