স্পৰ্টছ ডেস্ক, 8 ফেব্ৰুৱাৰীঃ আজি অকলেণ্ডত নিউজিলেণ্ডৰ সন্মুখত অগ্নিপৰীক্ষাত অৱতীৰ্ণ হ’ব ভাৰতীয় ক্ৰিকেট দল ৷ তিনিখন মেচৰ এদিনীয়া শৃংখলা প্ৰথমখন মেচত পৰাজয়বৰণ কৰাৰ পাচতেই শৃংখলাত বৰ্তি থাকিবলৈ ভাৰতক জয়ৰ নিতান্তই প্ৰয়োজন ৷
প্ৰথমখন এদিনীয়াত 347 ৰানৰ বিশাল স্কৰ গঢ়ি তোলাৰ পাচতো 4 উইকেটত পৰাজয়ৰ সন্মুখীন হৈছিল বিৰাট নেতৃত্বাধীন ভাৰতীয় দলটো ৷ মেচখনত নিউজিলেণ্ডৰ জয়ত গুৰুত্বপূৰ্ণ ভূমিকা পালন কৰিছিল ৰছ টেইলৰে ৷ অপৰাজিত 109 ৰানৰ ইনিংছ খেলিবলৈ সক্ষম হৈছিল কিৱি খেলুৱৈগৰাকীয়ে ৷