কোচবিহাৰ ট্ৰফী ক্ৰিকেট টু্ৰ্ণামেন্টত অসমৰ হাতত পৰাস্ত উৰিষ্যা

নগাঁৱৰ নুৰুল আমিন ষ্টেডিয়ামত অনুষ্ঠিত হোৱা খেলখনত এক ইনিংছ আৰু 48 ৰানৰ ব্যৱধানত অসমৰ হাতত পৰাজয় বৰণ কৰে উৰিষ্যাই ৷

স্পৰ্টছ ডেস্ক, 13 জানুৱাৰীঃনগাঁৱৰ নুৰুল আমিন ষ্টেডিয়ামত অনুষ্ঠিত হোৱা কোচবিহাৰ ট্ৰফী ক্ৰিকেট টুৰ্ণামেন্টত অসমৰ হাতত পৰাজিত হয় উৰিষ্যা দলটো ৷ টছত জিকি প্ৰথমে বেটিং কৰা উৰিষ্যাই 108 ৰানত ইনিংছ সামৰনি মাৰে ৷ বাওঁহতীয়া বেটছমেন সন্তোষ যাদৱে 72টা বলত 31 ৰান কৰিবলৈ সক্ষম হয় ৷ অসমৰ হৈ দশৰথ কুমাৰে পাঁচটাকৈ উইকেট লাভ কৰে ৷ প্ৰত্যুত্তৰ অসমে 227 ৰানৰ এক দৰ্শনীয় ইনিংছ উপহাৰ দিয়ে ৷ ৰুহিনন্দন পেগুৱে 107 টা বলত 61 ৰান কৰে বিকাশ নায়কৰ বলত মানৱ ভট্টাচাৰ্যৰ হাতত কেচ তুলি পেভিলিয়নমুখী হয় ৷ অসমৰ হৈ নাছিৰ উল্লাহে 83 বলত 48 ৰান কৰি শিৱাশীষ চাহুৰ বলত মানৱ ভট্টাচাৰ্যৰ হাতত কেচ তুলি দিয়ে ৷ দ্বিতীয় ইনিংছত উৰিষ্যাই 71 ৰান কৰি 48 ৰানত পিচপৰি থাকে ৷ দ্বিতীয় ইনিংছত সন্তোষ যাদৱে 28 ৰান কৰি অপৰাজিত হৈ থাকে ৷ অসমৰ হৈ দ্বিতীয় ইনিংছটো চাৰিটা উইকেট দখল কৰে দশৰথ কুমাৰে ৷ দ্বিতীয় ইনিংছত অসমৰ ৰিতুৰাজ আৰু বিশালে ক্ৰমে তিনিটা আৰু দুটাকৈ উইকেট দখল কৰিবলৈ সক্ষম হয় ৷