স্পৰ্টছ ডেস্ক, ৫ মে': শেহতীয়াকৈ আকাশ চোপ্ৰাৰ সৈতে হোৱা এক ভিডিঅ' কনফাৰেঞ্চিঙত প্ৰাক্তন ক্ৰিকেটাৰ আশীষ নেহৰাই নিজৰ কেৰিয়াৰৰ কেতবোৰ আমোদজনক কথা উল্লেখ কৰে । পদাৰ্পণ টেষ্টত জোতাকৈ লৈ সৃষ্টি হোৱাৰ সমস্যাৰ কথাও উল্লেখ কৰে খেলুৱৈগৰাকীয়ে ।
এই বাৰ্তালাপৰ মাজতেই নেহৰাই কয়, ১৯৯৯ চনত শ্ৰীলংকাৰ বিৰুদ্ধে কলোম্বত প্ৰথমবাৰৰ বাবে টেষ্ট ক্ৰিকেটত অভিষেক ঘটিছিল তেওঁৰ । সেই সময়ত তেওঁৰ তাত আছিল কেৱল এযোৰহে জোতা । যিটো ৰঞ্জী ট্ৰফীতো পিন্ধি খেলিছিল বুলি উল্লেখ কৰে নেহৰাই । ইয়াৰ পাচতে তেওঁ কয়, আজিও তেওঁৰ মনত আছে কেনেকৈ প্ৰত্যেকখন মেচৰ পাচতেই জোতাযোৰ পুনৰ চিলাই লৈছিল তেওঁ ।