ঋষভ পন্তৰ অনুপস্থিতিত কে.এছ ভৰতক স্থান ভাৰতীয় দলত

প্ৰথমখন এদিনীয়াত আঘাতপ্ৰাপ্ত হৈ ভাৰতীয় দলৰ পৰা বাহিৰ হ’ল যুৱ উইকেটকীপাৰ ঋষভ পন্ত ৷ পন্তৰ স্থানত কে.এছ ভৰতক দলত অন্তৰ্ভুক্তি ৷

স্পৰ্টছ ডেস্ক, 17 জানুৱাৰীঃ শুকুৰবাৰে ঋষভ পন্তৰ স্থানত ভাৰতীয় দলত অন্তৰ্ভুক্ত কৰা হ’ল কে.এছ ভৰতক ৷ বিচিচিআইয়ে শুকুৰবাৰে টুইটাৰ যোগে সদৰি কৰে এই কথা ৷ বিচিচিআইৰ অখিল ভাৰতীয় জেষ্ঠ নিৰ্বাচন সমিতিয়ে বেক আপ উইকেটকীপাৰ হিচাপে দলত স্থান দিয়ে কে.এছ ভৰতক ৷

উল্লেখ্য যে,প্ৰথমখন এদিনীয়াত পেট কামিন্সৰ বলত মূৰত আঘাতৰ সন্মুখীন হৈছিল ঋষভ পন্ত ৷ যাৰ বাবে মেচখনত উইকেটকীপাৰৰ ভূমিকা পালন কৰিছিল কে.এল ৰাহুলে ৷ আনহাতে দ্বিতীয়খন এদিনীয়াটো উইকেটকীপাৰ হিচাপে অৱতীৰ্ণ হৈছে কে.এল ৰাহুল ৷

ইপিনে সঞ্জু ছেমচন আৰু ঈশান কিষাণ ‘ইণ্ডিয়া এ’ ৰ হৈ নিউজিলেণ্ড ভ্ৰমণৰত বাবেই কে.এছ ভৰতক ভাৰতীয় দলত স্থান দিয়া হৈছে ৷

• লগতে চাওক- ভাৰত্তোলনত ৰূপৰ পদক অসমৰ