স্পৰ্টছ ডেস্ক, ৫ মে': নৱেম্বৰৰ মাহত অনুষ্ঠিত হ'ব আবু ধাবী টি-১০ লীগ । ইংলেণ্ডৰ বিশ্বকাপ জয়ী ইয়ন মৰ্গান সহিতে বহু শীৰ্ষ ক্ৰিকেটাৰৰ সমৰ্থন লাভ কৰা এই আবু ধাবী লীগৰ আৰম্ভণি হ'ব চলিত বৰ্ষৰ ১৯ নৱেম্বৰত । সংযুক্ত আৰৱ আমিৰাতৰ ৰাজধানী চহৰত আয়োজিত হ'বলগীয়া এই লীগৰ অন্ত পৰিব ২৮ নৱেম্বৰত ।
২০২০ সংস্কৰণৰ আবু ধাবী টি-১০ লীগৰ প্ৰযোজকৰ লগতে আবু ধাবী পৰ্যটন বিভাগ, আবু ধাবী খেল পৰিষদ, আবু ধাবী ক্ৰিকেটে যুটীয়া ভাৱে আয়োজন কৰিব এই লীগটোৰ ।
Covid-১৯ মহামাৰীৰ ফলত বৰ্তমান ক্ৰীড়া জগতৰ সকলো কাৰ্য-কলাপ স্তব্ধ হৈ পৰিছে যদিও ইয়াৰ মাজতেই প্ৰকাশ কৰা হৈছে এই প্ৰতিযোগিতাৰ সময়সূচী । আমিৰাত ক্ৰিকেট ব'ৰ্ডৰ অনুমতি সাপেক্ষেই আয়োজন কৰা হয় এই ৯০ মিনিটৰ ১০ অভাৰৰ লীগটোৰ ।
ৰাউণ্ড ৰবীন মাধ্যমত আয়োজন কৰা হয় এই প্ৰতিযোগিতাৰ । য'ত এলিমিনেটৰ আৰু ফাইনেলত মেচ অন্তৰ্ভুক্ত হৈ থাকে । বিগত বৰ্ষত ডেৱন ব্ৰেভ'ৰ নেতৃত্বাধীন মাৰাঠা অৰেবিয়ান্সে আবু ধাবী টি-১০ লীগৰ খিতাপ জয় কৰিবলৈ সক্ষম হৈছিল ।
