নিউজ ডেস্ক, 11 ডিচেম্বৰ: ১৯ ডিচেম্বৰত ডুবাইৰ কোকাকোলা এৰিনাত অনুষ্ঠিত হ’বলগীয়া ইণ্ডিয়ান প্ৰিমিয়াৰ লীগ (আই পি এল) ২০২৪ৰ খেলুৱৈ নিলামৰ সময়ত ৩৩৩ জন ক্ৰিকেটাৰ নিলাম হ’ব ৷ বিচিচিআইৰ সম্পাদক জয় শ্বাহে এক সংবাদ মাধ্যমৰ বিবৃতিত কয়, ‘‘৩৩৩ জন খেলুৱৈৰ ভিতৰত ২১৪ জন ভাৰতীয় আৰু ১১৯ জন বহিঃৰাষ্ট্ৰ খেলুৱৈ ৷ ইয়াৰ ভিতৰত দুজন খেলুৱৈ এছ'চিয়েট নেচনৰ । মুঠ কেপড খেলুৱৈ ১১৬, আনকেপড খেলুৱৈ ২১৫ আৰু দুজন এছ'চিয়েট নেচনৰ ।" সোমবাৰে সন্ধিয়া জাৰি কৰা হৈছে এই বিবৃতি ।
এতিয়া সৰ্বাধিক ৭৭ টা স্লট উপলব্ধ আৰু ৩০ টালৈকে বহিঃৰাষ্ট্ৰৰ খেলুৱৈৰ বাবে স্লট কৰা হৈছে । ২ কোটি টকা সৰ্বোচ্চ ৰিজাৰ্ভ মূল্য য’ত ২৩ জন খেলুৱৈয়ে সৰ্বোচ্চ ব্ৰেকেটত স্লট কৰিবলৈ বাছি লৈছে । ১.৫ কোটি টকাৰ ভিত্তি মূল্যৰে নিলামৰ তালিকাত ১৩ জন খেলুৱৈ আছে ।
কলকাতা নাইট ৰাইডাৰ্ছ (কে কে আৰ) আৰু হৰ্শাল পেটেলে মুকলি কৰি দিয়া ভাৰতীয় অল ৰাউণ্ডাৰ শ্বাৰ্দুল ঠাকুৰৰ ভিত্তি মূল্য ২ কোটি টকা । ২ কোটি টকাৰ বেছ প্ৰাইচ থকা আন খেলুৱৈসকলৰ ভিতৰত ইংলেণ্ডৰ বেটছমেন হেৰী ব্ৰুক, অষ্ট্ৰেলিয়াৰ অ’পেনাৰ ট্ৰেভিছ হেড, অষ্ট্ৰেলিয়াৰ প্ৰাক্তন অধিনায়ক ষ্টিভ স্মিথ, অষ্ট্ৰেলিয়াৰ অধিনায়ক আৰু পেচাৰ পেট কামিন্স আৰু বাওঁহতীয়া স্পীডষ্টাৰ মিকথেল ষ্টাৰ্ক আদি অন্যতম । আফগানিস্তানৰ অফ স্পিনাৰ মুজীব ৰহমান আৰু ইংলেণ্ডৰ লেগী আদিল ৰছিদেও ২ কোটি টকাৰ ভিত্তি মূল্যৰ বাবে নিলামলৈ যাব ।