স্পৰ্টছ ডেস্ক, 8 জানুৱাৰী :2012 অলিম্পিক ব্ৰঞ্জ পদকজয়ী ছাইনা নেহৱালে বুধবাৰে মালয়েছিয়া মাষ্টাৰ্ছৰ দ্বিতীয় ৰাউণ্ডত প্ৰৱেশ কৰিছে ৷ বেলজিয়ামৰ লিয়ানে টেনক 36 মিনিটৰ যুঁজত 21-15, 21-17 ছেটত পৰাস্ত কৰে ছাইনাই ৷ আন এগৰাকী বেডমিন্টন তাৰকা পি. ভি. সিন্ধুয়েও প্ৰতিযোগিতাৰ দ্বিতীয় ৰাউণ্ডত প্ৰৱেশ কৰিবলৈ সক্ষম হৈছে ৷ প্ৰথম ৰাউণ্ডত সিন্ধুয়ে ৰাছিয়াৰ এভগেনীয়া কছেটছকায়াক 21-15, 21-13 ছেটত পৰাস্ত কৰে৷
আনহাতে, কিদাম্বি শ্ৰীকান্ঠ প্ৰথম ৰাউণ্ডৰ মেচতে চাইনিজ টাইপেইৰ চৌ টিয়েন চেনৰ হাতত পৰাস্ত হয় ৷ 30 মিনিটৰ যুঁজতে চেনে শ্ৰীকান্ঠক 21-17, 21-5 ছেটত সহজে পৰাস্ত কৰিবলৈ সক্ষম হয় ৷ শ্ৰীকান্ঠৰ লগতে ছাই প্ৰণীঠেও প্ৰথম ৰাউণ্ডৰ পৰাই বাহিৰ হৈছে ৷ ডেনমাৰ্কৰ ৰাচমাছ গেমকেৰ হাতত 11-21, 15-21 ছেটত পৰাস্ত হয় ছাই প্ৰণীঠ ৷