ইণ্ডোনেছিয়া অ’পেনঃ কোৱাৰ্টাৰ ফাইনেলত পি.ভি সিন্ধু

ইণ্ডোনেছিয়া অ’পেনত বিজয় অভিযান অব্যাহত আছে ভাৰতীয় তাৰকা শ্বাটলাৰ পি.ভি সিন্ধুৰ ৷ প্ৰতিযোগিতাখনৰ কোৱাৰ্টাৰ ফাইনেলত প্ৰৱেশ সিন্ধুৰ ৷

স্পৰ্টছ ডেস্ক, 18 জুলাইঃ জাকাৰ্টাত অনুষ্ঠিত হোৱা ইণ্ডোনেছিয়া অ’পেনৰ কোৱাৰ্টাৰ ফাইনেলত প্ৰৱেশ কৰিবলৈ সক্ষম হৈছে ভাৰতীয় বেডমিণ্টন খেলুৱৈ পি.ভি সিন্ধুৱে ৷

বৃহস্পতিবাৰে প্ৰতিযোগিতাখনৰ মহিলা ছিংগলছ শাখাত ডেনমাৰ্কৰ মিয়া ব্লিজফেল্ডটক 21-14, 17-21, 21-11 ছেটত পৰাস্ত কৰি সফলতা লাভ কৰিবলৈ সক্ষম হয় সিন্ধুৱে ৷ এক ঘণ্টা দুই মিনিটলৈ চলা মেচখনত জয় লাভেৰে কোৱাৰ্টাৰ ফাইনেলত প্ৰৱেশ কৰে সিন্ধুৱে ৷ পৰিৱৰ্তি মেচত ন’জ’মী অক’হাৰাৰ বিৰুদ্ধে মুখামুখি হ’ব সিন্ধু ৷