চিটাৰা ডেস্ক, ৩১আগষ্ট: ছবি নিৰ্মাতা ৰোহিত ছেট্টীয়ে পৰিচালনা কৰা জনপ্ৰিয় টেলিভিশ্বন শ্ব' "খতৰো কে খিলাড়ী:মেড ইন ইণ্ডিয়া ছিজন ১০"ৰ বিজয়ীৰ খিতাপ অৰ্জন কৰিলে ৰূপালী পৰ্দাৰ অভিনেত্ৰী নিয়া শৰ্মাই। চূড়ান্ত প্ৰতিযোগিতাৰ প্ৰতিযোগী জেচমিন ভসীন, কৰণ ৱাহীক পৰাস্ত কৰি "খতৰো কে খিলাড়ী"ৰ ১০নং সংস্কৰণৰ বিজয়ীৰ খিতাপ আজুৰি নিয়ে।
বিজয়ীৰ খিতাপ অৰ্জনৰ পিছতে নিয়াই কয় যে, "খতৰো কে খিলাড়ী:মেড ইন ইণ্ডিয়াৰ আৰম্ভণি এক বিশেষ ৰূপত হৈছে। কিন্তু এই সংস্কৰণত বিজয়ী হোৱাই মোৰ একামাত্ৰ লক্ষ্য হৈ পৰিছিল। খতৰো কে খিলাড়ী ছিজন ৮ত মই প্ৰদৰ্শন কৰা প্ৰত্যেকটো ষ্টাণ্টত মই কঠোৰ পৰিক্ষম কৰিছো। লগতে মোৰ দলটোৱে মোক সকলো ক্ষেত্ৰতে অনুপ্ৰেৰণা যোগাইছে। কালাৰ্ছ টিভিয়ে মোক দিয়া দ্বিতীয় সুযোগ মই হেৰুৱাব বিচৰা নাছিলো। বিজয়ী হোৱা কথাটোৱে মোক সুখী কৰাৰ লগতে সন্তুষ্টিও দিছে। মোৰ কামে মোৰ দক্ষতাক প্ৰমাণ কৰিছে।"