সৰু পৰ্দাৰ জনপ্ৰিয় অভিনেতা সমীৰ শৰ্মাৰ আত্মহত্যা

কাহানী ঘৰ ঘৰ কী সহিত বহুকেইখন জনপ্ৰিয় ধাৰাবাহিকত অভিনয় কৰা অভিনেতা সমীৰ শৰ্মাৰ আত্মহত্যা ৷ মুম্বাই মলাডস্থিত বাসগৃহত ফেনত চিপ লৈ থকা অৱস্থাত তেওঁৰ মৃতদেহ উদ্ধাৰ হয় ৷ জানিব পৰা মতে, প্ৰায় দুদিন পূৰ্বে সমীৰ শৰ্মাৰ মৃত্যু হৈছিল আৰু সেয়ে তেওঁৰ মৃতদেহৰ পৰা দুৰ্গন্ধ বাহিৰ হৈছিল আৰু দুৰ্গন্ধ পোৱাৰ পিছতে সন্দেহ কৰি আৰক্ষীক খবৰ দিছিল তেওঁৰ ফ্লেটৰ নিৰাপত্তাৰক্ষীয়ে ৷

চিটাৰা ডেস্ক,6 আগষ্টঃ বিগত দিনকেইটা ভাৰতৰ মনোৰঞ্জন ক্ষেত্ৰখনৰ পৰা যথেষ্ট বেয়া খবৰ আহি আছে ৷ সুশান্ত সিং ৰাজপুতৰ আত্মহত্যাৰ প্ৰায় ডেৰ মাহৰ পিছত এইবাৰ সৰু পৰ্দাৰ জনপ্ৰিয় অভিনেতা সমীৰ শৰ্মাৰ আত্মহত্যাৰ খবৰে মৰ্মাহত কৰিলে অনুৰাগীক ৷

জনপ্ৰিয় অভিনেতা সমীৰ শৰ্মা

শেহতীয়াকৈ অহা খবৰ মতে, কিছুদিনৰ পৰা অভিনেতা সমীৰ শৰ্মাক কোনেও দেখা নাছিল ৷ যেতিয়া তেওঁৰ ফ্লেটৰ পৰা দুৰ্গন্ধ বাহিৰ হ'বলৈ ল'লে তেতিয়া সন্দেহ কৰি আৰক্ষীক খবৰ দিছিল তেওঁৰ ফ্লেটৰ নিৰাপত্তাৰক্ষীয়ে ৷ তাৰ পিছত আৰক্ষী আহি যেতিয়া ঘৰৰ দুৱাৰ খুলিলে তেতিয়া ফেনত চিপ লৈ থকা অৱস্থাত তেওঁক মৃতদেহ প্ৰত্যক্ষ কৰে ৷

এনেকুৱা সন্দেহ কৰা হৈছে যে, প্ৰায় দুদিন পূৰ্বেই অভিনেতা গৰাকীৰ মৃত্যু হৈছিল ৷ বাহিৰলৈ দুৰ্গন্ধ অহাৰ বাবে চুবুৰীয়াৰ সন্দেহ হৈছিল আৰু তাৰ পিছতে ফ্লেটৰ নিৰাপত্তাৰক্ষীয়ে আৰক্ষীক ঘটনাটো অৱগত কৰিছিল ৷

উল্লেখ্য যে, অভিনেতা গৰাকীয়ে বহুকেইটা টি.ভি শ্ব'ৰ বাবে কাম কৰিছিল ৷ যাৰ ভিতৰত জনপ্ৰিয় ধাৰাবাহিক কাহানী ঘৰ ঘৰ কী,জ্যোতি, লেফ্​ট ৰাইট লেফ্​ট, ইচ প্যাৰ কৌ ক্যা নাম দুঁ অন্যতম ৷

জনপ্ৰিয় অভিনেতা সমীৰ শৰ্মা

শেহতীয়াকৈ তেওঁ য়ে ৰিস্তা হে প্যাৰ কে ধাৰাবাহিকত অভিনয় কৰিছিল ৷

অৱশ্যে ৰহস্যৰ কথা যে, তেওঁ কিছুদিন পূৰ্বে ইনষ্টাগ্ৰাম যোগে এটা হতাশাপূৰ্ণ কবিতা শ্বেয়াৰ কৰিছিল ৷

লগতে পঢ়কঃচলচ্চিত্ৰ কৰ্মীলৈ ৰোহিত চেট্টীয়ে আগবঢ়াইছে সহায়ৰ হাত