নিউজ ডেক্স, ৭ মাৰ্চঃ পুনৰ অসমবাসীৰ বাবে সুখবৰ কঢ়িয়াই আনিছে চলচ্চিত্ৰ পৰিচালক ৰীমা দাসে । অসম সন্তান ৰীমা দাসে বিশ্ব চলচ্চিত্ৰ জগতত অব্যাহত ৰাখিছে নিজৰ জয়যাত্ৰা ।
ৰীমা দাসলৈ পুনৰ আন্তঃ ৰাষ্ট্ৰীয় বঁটা ৰীমা দাসে আয়াৰলেণ্ডৰ ডাবলিন আন্তঃৰাষ্ট্ৰীয় চলচ্চিত্ৰ মহোৎসৱত লাভ কৰে শ্ৰেষ্ঠ পৰিচালকৰ সন্মান । ২০১৯বৰ্ষৰ ভিৰ্গিন মিডিয়া ডুবলিন আন্তঃৰাষ্ট্ৰীয় চলচ্চিত্ৰ মহোৎসৱৰ বঁটা প্ৰদান অনুষ্ঠানত " বুলবুল কেন চিং" চলচ্চিত্ৰৰ বাবে লাভ কৰে শ্ৰেষ্ঠ পৰিচালকৰ সন্মান । উল্লেখ্য যে , এই মহোৎসৱত বিশ্বৰ বিভিন্ন প্ৰান্তৰ বহু আগশাৰীৰ চলচ্চিত্ৰ প্ৰদৰ্শিত হয় । অসমৰ ৰীমা দাসক চলচ্চিত্ৰখনৰ বাবে শ্ৰেষ্ঠ পৰিচালকৰ সন্মান প্ৰদান কৰাৰ লগতে চলচ্চিত্ৰ জগতৰ অন্যান্য শিতানত বঁটা প্ৰদান কৰে বহু কেইগৰাকী বিশিষ্ট ব্যক্তিক ।
