ৰামায়ণে গঢ়িলে ৱৰ্ল্ড ৰেকৰ্ড !

বিশ্বৰ আটাইতকৈ বেছিকৈ চোৱা শ্ব' হিচাপে ৰামায়ণে গঢ়িলে ৱৰ্ল্ড ৰেকৰ্ড ৷ লক্ ডাউনৰ সময়ছোৱাত টেলিভিছনৰ সৰু পৰ্দাত পুনৰবাৰৰ সম্প্ৰচাৰ হ'ল জনপ্ৰিয় টিভি ধাৰাবাহিক ৰামায়ণ ৷ জনসাধাৰণৰ দাবীত 28 মাৰ্চৰ পৰা পুনৰ আৰম্ভ হৈছিল জনপ্ৰিয় টিভি শ্ব'টো ৷

চিটাৰা ডেস্ক,1 এপ্ৰিলঃ ৰামানন্দ সাগৰৰ জনপ্ৰিয় টেলিভিছন শ্ব' ৰামায়ণদ্বিতীয়বাৰৰ বাবে দৰ্শকৰ বাবে সম্প্ৰচাৰ হ'ল লক্ ডাউনৰ সময়ত ৷ ৰাইজৰ আহ্বানমৰ্মে পুনৰ বাৰ দেশত সম্প্ৰচাৰ হ'ল জনপ্ৰিয় টি.ভি শ্ব' ৰামায়ণ ৷

ৰামায়ণে গঢ়িলে ৱৰ্ল্ড ৰেকৰ্ড

ভাল খবৰটো এয়ে যে, 16 এপ্ৰিলৰ দিনা এই শ্ব'টোৱে ৱৰ্ল্ড ৰেকৰ্ড গঢ়িলে বিশ্বৰ আটাইতকৈ বেছিকৈ চোৱা শ্ব' হিচাপে ৷ বৃহস্পতিবাৰে ডি.ডি ইণ্ডিয়াই এই কথা প্ৰচাৰ কৰে টুইটাৰ যোগে ৷ উল্লেখ্য যে, বৃহস্পতিবাৰৰ দিনা 7 কোটি 7 লাখ দৰ্শকে উপভোগ কৰে এই জনপ্ৰিয় ধাৰাবাহিকখন ৷ ফলত বিশ্বৰ পূৰ্বৰ সকলো ৰেকৰ্ড ভাঙি ৰামায়ণে গঢ়িলে আটাইতকৈ বেছিকৈ চোৱা শ্ব'ৰ ৱৰ্ল্ড ৰেকৰ্ড ৷

দেশত প্ৰথমবাৰৰ বাবে এই ধাৰাবাহিকখন 1987 চনৰ 25 জানুৱাৰীৰ পৰা 1988ৰ মাজলৈকে প্ৰতি দেওবাৰে পুৱা 9 বাজি 30 মিনিটত সম্প্ৰচাৰিত হৈছিল ৷ 1987 ৰ পৰা 1988 পৰ্যন্ত ৰামায়ণ ধাৰাবাহিকখন পৃথিৱীৰ আটাইতকৈ বেছিকৈ চোৱা ধাৰাবাহিক হিচাপে গণ্য হৈছিল ৷ 2003 চনৰ জুন মাহতো ধাৰাবাহিকখনে আটাইতকৈ বেছিকৈ চোৱা মাইথ'লজিকেল ধাৰাবাহিক হিচাপে লিমকা বুক অফ ৰেকৰ্ডছত অন্তৰ্ভুক্ত হৈছিল ৷

লগতে চাওকঃ32 বছৰীয়া হ'ল অভিনেত্ৰী অনুষ্কা শৰ্মা