গুৱাহাটী,14 ডিচেম্বৰঃনাগৰিকত্ব সংশোধনী আইনে দুৰত্ব বঢ়াইছে ৰাইজ আৰু চৰকাৰৰ ৷ প্ৰতিবাদ কৰিছে এজনৰ পিছত আন এজন সাধাৰণ জনতাই ৷ বাদ পৰা নাই কলা-কুশলী,দল-সংগঠন,বুদ্ধিজীৱী,ছাত্ৰ-ছাত্ৰী ৷ সকলোৱে একেমুখে বিৰোধিতা কৰিছে এই আইনৰ। এই আইনৰ বিপক্ষে মতামত আগবঢ়ায় অসমীয়া ছবিজগতৰ বহু কেইজন কলা-কুশলীয়ে ৷ এই সন্দৰ্ভত আমাৰ সাংবাদিকে প্ৰস্তুত কৰা এক বিশেষ প্ৰতিবেদন-
নাগৰিকত্ব সংশোধনী আইন সন্দৰ্ভত সুনীতা কৌশিকে কয় যে,আমাৰ ভাষা-সংস্কৃতি আৰু জীৱনশৈলীৰ ওপৰত এই আইনে প্ৰভাৱ বিস্তাৰ কৰিব ৷ লগতে চৰকাৰক ৰাইজৰ অনুভূতিক বুজি ৰাইজৰ সৈতে থিয় হবলৈ অনুৰোধ কৰে ৷
অসমীয়াৰ লগত এয়া অন্যায়-সুনীতা কৌশিক
ইফালে কে কে অৰ্থাৎ সিদ্ধাৰ্থ শৰ্মাই এই আইন যেতিয়ালৈ বাতিল নহয় সংগ্ৰাম চলি যাব বুলি স্পষ্ট ভাষাত জানিবলৈ দিয়ে ৷ লগতে অসমীয়া মানুহে ইয়াৰ বিৰুদ্ধে একেলগে থিয় হোৱাই সন্তুষ্টি প্ৰকাশ কৰে অভিনেতাজনে ৷
চৰকাৰৰ ওচৰত হাৰ নামানো-সিদ্ধাৰ্থ শৰ্মা