জাষ্টিন বিবাৰে অস্বীকাৰ কৰিছে যৌন নিৰ্যাতনৰ অভিযোগ

যৌন উৎপীড়নৰ অভিযোগ উত্থাপন হৈছে পপ আইকন জাষ্টিন বিবাৰৰ বিৰুদ্ধে ৷ শেহতীয়াকৈ জাষ্টিন বিবাৰে স্পষ্ট কৰে যে , মহিলাগৰাকীয়ে অভিযোগ দিয়া তাৰিখত তেওঁ কেতিয়াও সেই স্থানত উপস্থিত নাছিল ৷ শিল্পী গৰাকীয়ে কয় যে, তেওঁ কেতিয়াও এই কথাটো সাধাৰণ ভাৱে নলয় আৰু ইয়াৰ বিৰুদ্ধে তেওঁ আইনী ব্যৱস্থা গ্ৰহণ কৰিব ৷

চিটাৰা ডেস্ক,22 জুনঃদেওবাৰৰ দিনা পপ আইকন জাষ্টিন বিবাৰে অস্বীকাৰ কৰে, তেওঁৰ বিৰুদ্ধে উত্থাপন হোৱা এক গুৰুতৰ অভিযোগ ৷ শেহতীয়াকৈ এগৰাকী মহিলাই তেওঁৰ বিৰুদ্ধে উত্থাপন কৰিছিল যৌন নিৰ্যাতনৰ অভিযোগ ৷ টুইটাৰ যোগে সমগ্ৰ অভিযোগৰ বিৱৰণ দিয়ে কন্ঠশিল্পী গৰাকীয়ে ৷

জাষ্টিন বিবাৰে অস্বীকাৰ কৰিছে যৌন নিৰ্যাতনৰ অভিযোগ

বিৱৰণ অনুসৰি ডেনিয়েল নামৰ এগৰাকী মহিলাই 2014 চনত জাষ্টিন বিবাৰৰ দ্বাৰা যৌন উৎপীড়নৰ বলি হোৱাৰ অভিযোগ তুলিছে ৷ দ্য হলীউড ৰিৰ্পটাৰৰ ৰিৰ্পট অনুসৰি ,ডেনিয়েল নামৰ মহিলা এগৰাকীয়ে টুইট যোগে উত্থাপন কৰিছে এই যৌন নিৰ্যাতনৰ অভিযোগ ৷ মহিলা গৰাকীয়ে শনিবাৰে এটা অচিনাক্ত টুইটাৰ একাউন্টৰ পৰা এই অভিযোগ উত্থাপন কৰে ৷ অৱশ্যে মাইক্ৰ ব্লগিং ৱেৱচাইট এটাই পিছত এই টুইট আঁতৰাই পেলায় ৷

ইয়াৰ প্ৰত্যুত্তৰত স্পষ্টীকৰণ দিয়ে সংগীত তাৰকা গৰাকীয়ে ৷ তেওঁ টুইট যোগে লিখে,"Rumours are rumours but sexual abuse is something I don't take lightly. I wanted to speak out right away but out of respect to so many victims who deal with these issues daily I wanted to make sure I gathered the facts before I made any statement,"

জাষ্টিন বিবাৰৰ মতে, মহিলাগৰাকীয়ে অভিযোগ দিয়া তাৰিখত তেওঁ কেতিয়াও সেই স্থানত উপস্থিত নাছিল ৷ লগতে কয়, তেওঁ কেতিয়াও যৌন নিৰ্যাতনৰ দৰে অভিযোগ সাধাৰণ ভাৱে নলয় আৰু ইয়াৰ বিৰুদ্ধে তেওঁ আইনী ব্যৱস্থা গ্ৰহণ কৰিব ৷

লগতে তেওঁ সেই তাৰিখত ক'ত ,কেনেকৈ উপস্থিত আছিল সকলো খিনি তথ্য সহকাৰে টুইট যোগে দাঙি ধৰে ৷

লগতে পঢ়কঃকাজলে কি টিপছ দিলে নৱাগত অভিনয় শিল্পীসকলক ?