ৰঙালী উদযাপন কৰিব নোৱাৰাৰ দুখত আৱেগিক কৃষ্ণমণি নাথ

এইবাৰ বিহুক লৈ অসমীয়াৰ মনত নাই কোনো কোনোধৰণৰ উছাহ ৷ বিহু বলিয়া ৰাইজ আৱদ্ধ নিজ নিজ গৃহত ৷ হেঁপাহৰ ৰঙালী বিহুক উদযাপন কৰিব নোৱাৰি আৱেগিক হৈ পৰিল জনপ্ৰিয় কন্ঠশিল্পী কৃষ্ণমণি নাথ ৷

গুৱাহাটী,13 এপ্ৰিলঃএইবৰ্ষৰ ৰঙালী বিহুক লৈ নিজৰ বিষাদ ব্যক্ত কৰিলে জনপ্ৰিয় কন্ঠশিল্পী কৃষ্ণমণি নাথে ৷ কাৰণ এইবেলি বিহুক লৈ অসমীয়াৰ মনত নাই পূৰ্বৰ দৰে ৰং তথা হেঁপাহ । প্ৰতি গৰাকী বিহু বলিয়া ৰাইজ আৱদ্ধ নিজ নিজ বাসগৃহত কাৰণ বৰ্তমান মানৱ জাতি ক'ৰণা মহামাৰীৰ আতংকৰ গ্ৰাসত । হেঁপাহৰ ৰঙালী বিহুক উদযাপন কৰিব নোৱাৰি আৱেগিক হৈ পৰিল কন্ঠশিল্পী গৰাকী ৷

ক'ৰণা ভাইৰাছৰ ভয়াৱহতাৰ প্ৰতি লক্ষ্য ৰাখি চৰকাৰ আৰু প্ৰশাসনৰ আহ্বানক সন্মান জনাই শিল্পী গৰাকীয়েও নিজৰ পৰিয়ালৰ লগত নিজ বাসগৃহত এইবেলি উদযাপন কৰিব ৰঙালী বিহু । শিল্পী গৰাকীয়ে বাসগৃহৰ সন্মুখত জাপি আৰু গামোচাৰে এইদৰে সজাই পৰাই তুলিছে । আৱেগিক হৈ শিল্পী কৃষ্ণমণি নাথে বৰ্তমান পৰিস্থিতিৰ লগত খাপ খোৱাকৈ তেওঁৰে এটি বিহু গীত পৰিৱেশন কৰে অসমবাসী ৰাইজৰ বাবে ।

লগতে পঢ়কঃ অসম আৰক্ষীৰ সুন্দৰ আৰু সুৰক্ষিত বিহু