চিটাৰা ডেস্ক, 13 জুলাই : ডিজিটেল প্লেটফ’ৰ্ম (Digital Platform) ZEE5 আৰু ALTBalajiত আহিবলগীয়া জনপ্ৰিয় টেলিভিশ্বন (Television) শ্ব’ ‘পৱিত্ৰ ৰিস্তা 2’ (Pavitra Rishta 2)ত দেখিবলৈ পাব অভিনেত্ৰী অংকিতা লোখণ্ডে (Ankita Lokhande) আৰু অভিনেতা শ্বাহীৰ শ্বেখ (Shaheer Sheikh)ক ৷ দেওবাৰে ধাৰাবাহিকখনৰ প’ষ্টাৰ মুকলি কৰা হৈছে ৷ 2009 চনত সম্প্ৰচাৰ হোৱা প্ৰথমটো চিজনত প্ৰয়াত অভিনেতা সুশান্ত সিং ৰাজপুত (Sushant Singh Rajput) আৰু অভিনেত্ৰী অংকিতা লোখণ্ডে (Ankita Lokhande) মূল নায়ক-নায়িকাৰ চৰিত্ৰ ৰূপায়ণ কৰি ধাৰাবাহিকখনৰ এক অভিলেখ গঢ়ি তুলিবলৈ সক্ষম হৈছিল ৷ পুনৰ ধাৰাবাহিকখনৰ প্ৰযোজক একতা কাপুৰ (Ekta Kapoor)য়ে প্ৰয়াত সুশান্তৰ স্থানত শ্বহীৰ শ্বেখক উপস্থাপন কৰি ‘পৱিত্ৰ ৰিস্তা 2’ নিৰ্মাণ কৰিছে ৷
পূৰ্বে ZEE TVত সম্প্ৰচাৰ হোৱা সুশান্ত আৰু অংকিতা (মানৱ আৰু অৰ্চনা)ৰ ৰোমেঞ্চ (Romance)য়ে পাঁচ বছৰত 1424 টা খণ্ড অতিক্ৰম কৰিবলৈ সক্ষম হৈছিল ৷ ALTBalajiয়ে ইনষ্টাগ্ৰামযোগে ‘পৱিত্ৰ ৰিস্তা 2’ৰ এখন প’ষ্টাৰ শ্বেয়াৰ কৰে ৷ কেপচনত লিখা হৈছে যে, কেতিয়াবা সাধাৰণ জীৱনত এক অসাধাৰণ প্ৰেম কাহিনী (Love Story) বিচাৰি পোৱা যায় ৷ মানৱ আৰু অৰ্চনাৰ প্ৰেম কাহিনীও তেনেই অসাধাৰণ ৷ ("Sometimes in most ordinary lives, we find the most extraordinary love stories. Witness the extraordinary love story of Manav and Archana. Pavitra Rishta begins filming. Streaming soon on ALTBalaji,")