জনপ্ৰিয় কানাড়া আভিনেত্ৰী সৌজন্যৰ আত্মহত্যা

জনপ্ৰিয় কানাড়া অভিনেত্ৰী সৌজন্যৰ মৃতদেহ নিজৰে কোঠাতে চিপ লোৱা অৱস্থাত উদ্ধাৰ ৷ মৃতদেহৰ কাষত উদ্ধাৰ চুইচাইড নোট ৷

চিটাৰা ডেস্ক, 1 অক্টোবৰ : কানাড়া টিভি ইণ্ডাষ্ট্ৰীৰ জনপ্ৰিয় অভিনেত্ৰী সৌজন্যৰ আত্মহত্যা ৷ অভিনেত্ৰীগৰাকীৰ আত্মহত্যাৰ বাতৰিয়ে সকলোকে আশ্বৰ্যচকিত কৰিছে ৷ সৌজন্যৰ মৃতদেহ বেংগালাৰুত তেওঁৰ কোঠাৰ পৰা উদ্ধাৰ কৰা হৈছে ৷ আৰক্ষীৰ প্ৰাথমিক তদন্তত পোহৰলৈ আহিছে যে তেওঁৰ কোঠাটো ভিতৰৰ পৰা বন্ধ হৈ আছিল ৷

আৰক্ষীয়ে কোঠাৰ দুৱাৰ ভাঙি ভিতৰত প্ৰৱেশ কৰাত অভিনেত্ৰী গৰাকীৰ মৃতদেহ চিপ লোৱা অৱস্থাত উদ্ধাৰ কৰে ৷ আৰক্ষীয়ে মৃতদেহৰ কাষত চুইচাইড নোট উদ্ধাৰ কৰিছে ৷ চুইচাইড নোটত অভিনেত্ৰীগৰাকীয়ে নিজৰ মৃত্যুৰ বাবে কানো লোককে দায়ী বুলি কোৱা নাই ৷ আৰক্ষীয়ে ঘটনাৰ সবিশেষ উদ্ধাৰ কৰিবলৈ তদন্ত আৰম্ভ কৰিছে ৷

লগতে পঢ়ক :হাস্পতালত ভৰ্তি অভিনেত্ৰী শ্বেতা তিৱাৰী

অভিনেত্ৰী গৰাকীয়ে চুইচাইড নোটত পৰিয়ালৰ লোকৰ আগত এই চৰম সিদ্ধান্ত লোৱাৰ বাবে ক্ষমা বিচাৰে ৷ উল্লেখ্য যে, অভিনেত্ৰীগৰাকীয়ে চুইচাইড নোটখন 27 ছেপ্তেম্বৰতে লিখিছিল ৷

অভিনেত্ৰীগৰাকীয়ে চুইচাইড নোটত তেওঁৰ অভিনয় যাত্ৰাত সহায় কৰা সকলো লোককে ধন্যবাদ জ্ঞাপন কৰে ৷ লগতে তেওঁ লিখিছিল যে বিগত কিছু দিন ধৰি তেওঁ কিছু মানসিক চাপত ভূগি আছিল ৷ আৰক্ষীয়ে সম্প্ৰতি অভিনেত্ৰীগৰাকীৰ এই পদক্ষেপ স্বেচ্ছাই লোৱা নে ইয়াৰ পিছত অন্য কিবা কাৰণ জড়িত হৈ আছে সেয়া বিচাৰি তদন্ত আৰম্ভ কৰিছে ৷ অভিনেত্ৰীগৰাকীয়ে চুইচাইড নোটখনত তেওঁ কোনো ধৰণৰ ৰোগত আক্ৰান্ত নহয় বুলি লিখিছে ৷

লগতে পঢ়ক :মুক্তিলাভৰ 5 টা বছৰ সম্পূৰ্ণ MS Dhoni: The Untold Story ৰ