হিৰ'পন্টি 2 ত টাইগাৰ শ্ৰফৰ বিপৰীতে থাকিব তাৰা চোটাৰিয়া

শীঘ্ৰেই ছবিগৃহলৈ আহিব হিৰ'পন্টি 2 ৷ হিৰ'পন্টি 2 ত টাইগাৰ শ্ৰফৰ বিপৰীতে তাৰা চোটৰিয়া মুখ্য চৰিত্ৰত অভিনয়ৰ বাবে চুক্তিবদ্ধ হৈছে ৷ বাঘি 2 আৰু বাঘি 3 ৰ কাম কৰা আহমেদ খানে পৰিচালনা কৰিব হিৰপন্টি 2 ৷

নেশ্যনেল ডেস্ক, 30 অক্টোবৰ :শীঘ্ৰেই ছবিগৃহলৈ আহিব সফল একশ্যনধৰ্মী ছবি হিৰ'পন্টিৰ দ্বিতীয়টো ভাগ ৷ ছবিখনৰ নিৰ্মাতাই টাইগাৰ শ্ৰফৰ বিপৰীতে মুখ্য চৰিত্ৰৰ বাবে অভিনেত্ৰী তাৰা চোটাৰিয়াক নিৰ্বাচন কৰিছে ৷ শুকুৰবাৰে ছবি সমালোচক তৰণ আদৰ্শে সামাজিক মাধ্যমত এই কথা সদৰী কৰে ৷

সামাজিক মাধ্যমত এই কথা ঘোষণা কৰি তেওঁ লিখে, "TIGER SHROFF - TARA SUTARIA... #TaraSutaria to star opposite #TigerShroff in producer#SajidNadiadwala's action franchise #Heropanti2... Directed by #AhmedKhan.#WardaNadiadwala,"

মৰজাৱা ছবিৰ অভিনেত্ৰী গৰাকীয়ে তেওঁৰ ওপৰত বিশ্বাস ৰখাৰ বাবে নাডিয়াডৱালাক ধন্যবাদ প্ৰদান কৰি কয়, "SO amped for this one... A new journey begins with my #NGEFamily #Heropanti2 #SajidNadiadwala@tigerjackieshroff @khan_ahmedasas@wardakhannadiadwala@nadiadwalagrandson."

বাঘি 2 ৰ তাৰকা গৰাকীয়েও তেওঁৰ ষ্টুডেন্টছ অৱ দা ইয়েৰ 2 ৰ সহঅভিনেত্ৰী গৰাকীক অভিৱাদন জনাই এইবুলি লিখে, "Congratulations (along with clapping, fire and lovestruck emojis)."

চলিত বৰ্ষৰ আৰম্ভণিতে প্ৰযোজক চাজিদ নাডিয়াডৱালাই হিৰ'পন্টি 2 ৰ কথা ঘোষণা কৰিছিল ৷ বাঘি 2 আৰু বাঘি 3 ৰ কাম কৰা আহমেদ খানে হিৰ'পন্টি 2 পৰিচালনা কৰিব বুলি জানিব পৰা গৈছে ৷

লগতে পঢ়ক:ফিল্ম 'ফুটপ্ৰিণ্ট অন বৰ্ডাৰ'ত অসম সন্তান আদিল হুছেইন