চিটাৰা ডেস্ক, ২৪ জুন :বলীউডৰ অভিনেত্ৰী তাপসী পান্নুৰ ছবি 'থাপ্পাড়' ৰে লাভ কৰিছে বিশেষ সন্মান । 'দ্য ৱৰ্ল্ডছ মোষ্ট ৰিপ'ৰ্টেড ট্ৰেইলাৰ'ৰ বাবে ৰূপৰ পদক লাভ কৰিছে ছবিখনে । ইয়াৰ লগে লগে কান লায়ন্স বিজয়ীৰ তালিকাত স্থান লাভ কৰিছে ছবিখনে । চলচ্চিত্ৰখনৰ পৰিচালক অনুভব সিনহাই তেওঁৰ ইনষ্টাগ্ৰামৰ জৰিয়তে এই কথা শ্বেয়াৰ কৰে ।
বুধবাৰে ডিজিটেলভাৱে মুকলি কৰা ফলাফলৰ এটা চমু ভিডিঅ' পোষ্ট কৰি বাতৰিটো শ্বেয়াৰ কৰে পৰিচালকগৰাকীয়ে । ছবিখনৰ মুক্তিৰ প্ৰায় ১ বছৰ পিছতে এই সন্মানৰ বাবে আনন্দিত হৈ পৰে পৰিচালকগৰাকী । ছবিখনৰ অভিনেতা অভিনেত্ৰীসহ কলা-কুশলীৰ দলটোক শুভেচ্ছা জ্ঞাপন কৰে পৰিচালকগৰাকীয়ে । লগতে তেওঁ ইনষ্টাগ্ৰাম পোষ্টটোত উল্লেখ কৰে যে ছবিখনৰ জন্মদিনৰ এয়া এক উপহাৰ ।
ইউ টিউব আৰু চলচ্চিত্ৰখনৰ অন্যান্য অফিচিয়েল ছ'চিয়েল মিডিয়া ছাইটত প্ৰদৰ্শিত প্ৰচাৰ অভিযানত চিনেমাখনৰ দৃশ্য অন্তৰ্ভুক্ত কৰা হৈছিল ৷ য'ত পুৰুষ মুখ্য চৰিত্ৰত অভিনয় কৰা লাভেড গুলাটিয়ে অতিথিসকলৰ সন্মুখত এটা পাৰ্টিৰ সময়ত তেওঁৰ পত্নী অৰ্থাৎ তাপসী পান্নুক চৰ মাৰিছিল । ইয়াক ডেণ্টচু ৱেবচাটনিয়ে (Dentsu Webchutney) প্ৰচাৰ কৰিছিল আৰু ট্ৰিগাৰ হেপ্পী এণ্টাৰটেইনমেণ্ট প্ৰাইভেট লিমিটেডৰ (Trigger Happy Entertainment Pvt Ltd) দ্বাৰা প্ৰযোজনা কৰা হৈছিল ।