চিটাৰা ডেস্ক, 22 ডিচেম্বৰ:এই চলিত মাহৰ প্ৰথমাৰ্ধত শ্বাহৰুখ খানৰ 2016 চনৰ বোলছবি 'ফেন'ত অভিনয় কৰা অভিনেত্ৰী শিখা শৰ্মাই পেৰালাইচিছ ষ্ট্ৰ'কত ভোগে ৷ অভিনেত্ৰী গৰাকীয়ে তেওঁ সাম্প্ৰতিক স্থিতিৰ বিষয়ে উল্লেখ কৰি কয়, যদিও তেওঁৰ আৰোগ্যতাৰ বাবে চলি থকা চিকিৎসা ফলপ্ৰসু হৈছে তথাপিও তেওঁৰ স্বাভাৱিক জীৱন বৰ্তমানেও ধূসৰিত ৷
শিখা শৰ্মা এগৰাকী অভিনেত্ৰী হোৱাৰ লগতে তেওঁ নাৰ্ছিঙৰ ডিগ্ৰীধাৰী ৷ তেওঁ মুম্বাইৰ বালাচাহেব থাকৰে ক'ভিড হাস্পতালত এগৰাকী নাৰ্ছ হিচাপে কৰ্মৰত আছিল ৷ 10 ডিচেম্বৰত হঠাতে তেওঁ পেৰালাইচিছ ষ্ট্ৰ'কত ভোগে আৰু তেওঁক ততাতৈয়াকৈ কোকিলাবেন হাস্পতালত ভৰ্তি কৰোৱা হয় ৷ পৰৱৰ্তী সময়ত তেওঁক কোকিলাবেন হাস্পতালৰ পৰা মুম্বাইৰ কুপাৰ হাস্পতাললৈ প্ৰেৰণ কৰা হয় ৷