চিটাৰা ডেস্ক, ৩ এপ্ৰিল: একেখন স্ক্ৰীণতে দেখা পোৱা যাব মেগাষ্টাৰ অমিতাভ বচ্চন আৰু দক্ষিণ ভাৰতীয় ছবি জগতৰ মোহময়ী অভিনেত্ৰী ৰশ্মিকা মণ্ডানাক । বলীউড ছবি 'গুডবাই'ত অভিনয় কৰিব অভিনেত্ৰীগৰাকীয়ে । বিগ বিৰ সৈতে অভিনয় কৰাক লৈ উৎফুল্লিত ৰশ্মিকাই কয় যে, তেওঁ কল্পনা কৰা নাছিল যে ইমান সোনকালে বলীউড আইকনৰ সৈতে কাম কৰাৰ সুযোগ পাব ।
তেওঁ লগতে কয় যে, অমিতাভ বচ্চনৰ সৈতে কাম কৰি তেওঁ সঁচাকৈয়ে কৃতজ্ঞ । লগতে বিগ বিৰ সৈতে কাম কৰাৰ অভিজ্ঞতা লোৱাৰ বাবে দৃশ্যগ্ৰহণলৈ ৰশ্মিকাই অধীৰ আগ্ৰহেৰে অপেক্ষা কৰি আছে বুলিও তেওঁ মন্তব্য কৰে । লগতে বিগ বিৰ পৰা বহুত শিকিবলৈ পোৱাতো নিশ্চিত বুলি মন্তব্য কৰে অভিনেত্ৰীগৰাকীয়ে ।