নেছনেল ডেক্স,২ এপ্ৰিল: মেগাষ্টাৰ ৰজনীকান্তে শেহতীয়াকৈ সন্মানীয় দাদা চাহেব ফাল্কে বঁটা লাভৰ ঘোষণাৰ পিছত লাভ কৰা সকলো মৰম, শুভেচ্ছাৰ বাবে সকলোকে 'গভীৰ কৃতজ্ঞতা' প্ৰদান কৰে । ভাৰতীয় চলচ্চিত্ৰৰ পৃথিৱীত আকৰ্শনীয় অৱদানৰ বাবে তাৰকাজনক এই বঁটা প্ৰদান কৰা হ'ব । তেওঁক শুভেচ্ছা জনাবলৈ সময় উলিওৱা সকলোৰে প্ৰতি টুইটাৰ যোগে গভীৰ কৃতজ্ঞতা জ্ঞাপন কৰে ৰ’বট খ্য়াত অভিনেতাজনে ।
"মই বিশিষ্ট ৰাজনৈতিক নেতা সকল, মোৰ চলচ্চিত্ৰ জগতৰ ভ্ৰাতৃ, বন্ধু আৰু সহকৰ্মী সকল, শুভাকাংক্ষী, সংবাদ মাধ্যম,সমগ্ৰ ভাৰত আৰু সমগ্ৰ বিশ্বৰ পৰা মোক শুভেচ্ছা জনাবলৈ সময় লোৱা মোৰ প্ৰিয় অনুৰাগীসকল, প্ৰতিজন ব্যক্তিৰ পৰা মই লাভ কৰা সকলো মৰম আৰু শুভেচ্ছাৰ বাবে,মোৰ গভীৰ কৃতজ্ঞতা আৰু ধন্যবাদ," এইদৰে টুইট কৰে ৰজনীকান্তে।
টুইটটোৱে মাইক্ৰ'ব্লগিং ছাইটটোত ১৩.৪ হাজাৰতকৈ অধিক লাইক লাভ কৰে, আনহাতে বহু সংখ্যক অনুৰাগীয়ে অভিনন্দন বাৰ্তা কমেন্ট যোগে প্ৰেৰণ কৰে ৷
কেইবাগৰাকীও বলিউড চেলিব্ৰেটিয়ে ৰজনীকান্তক ছচিয়েল মিডিয়াৰ জৰিয়তে অভিনন্দন জ্ঞাপন কৰে । নীনা গুপ্তা, হৃত্বিক ৰোচন, অক্ষয় কুমাৰ, অনিল কাপুৰ, কৰণ জোহৰ, শিল্পা ছেট্টী কুন্দ্ৰা, সিদ্ধাৰ্থ মালহোত্ৰা, বনি কাপুৰ আদিয়ে তেওঁক টুইটাৰত শুভেচ্ছা জনাই।